Ka palh lo ahcun mah hi Zomi lak ah a voikhatnak pa le pa a ummi an si tinak si rua ka ti Malaysia ah.

Ka palh lo ahcun mah hi Zomi lak ah a voikhatnak pa le pa a ummi an si tinak si rua ka ti Malaysia ah. Tidim holh hi ka thiam ve lo i a thiam deuhmi nih van fianh hnik uh.

Ramthangcho nak um Laimi lak zong ah hi hnu kum 10 hrawngah a um ve te khomi a si. Mah kong hna hi a biapi tuk ve aruang cu Chin miphun caah tuanbia pakhat a si ve.Crd-Van Tum

Israel Nih Thiltu A Tuh I Phuchim A Zun!Hosea 8:7 Israel nih thli a tuh i phuchim a zun; A dirmi rawl kung vui a ngeilomi nih a rawl fang zei hmanh a chuahpi lo. An chuahpi hmanh ah an chuahpi mi cu ramdang mi nih an dolh dih lai.

Hosea nih a chimmi hi a fiang ngai. Tuh le zun kong nizan i kan chim mi bantuk kha a si ko. Lo tuahmi, dum tuahmi hna nih an tuhmi zunding cu ruah chan a si. Facang a cingmi nih facang a zun ko lai. Mitsur a cing mi nih mitsur a zun ko lai. Tuu a zua mi tuu khal nih ttu hnuk a din ko lai, ti bantuk chim ding tampi a um.

A dir mi kung vui a ngei lomi hi ruah ta ka duh. Vawlei cung ah hin an chim lengmang mi pakhat cu fangvui a kuimi khi ei ttha a chuah. Dingtuao in a dir mi fangvui cu ei chuak a si lo. Minung zong hi hngalhnak in a khat deuh mi, Thlarau in a khat deuhmi cu toidornak lungthin an ngei i mitang ah an i dor chin lengmang. Israel nih ‘Keimah’ ti in a sining a rinh tik ah a cung ah harnak a tlung lai, ti kha a chim duh.

Hosea nih Israel sining a chim tikah duh a nung longai. Thli a tuh i phuchim a zun. Israel an sualning le siasal an biaknak kong hi a chim mi a si. Siasal biak cu Pathian nih a duh lo. Siasal cu zeihmanh tthat hnemnak a ngei lo mi a si. Phungchimtu nih thlitu dawi bantuk a si, a ti lengmang mi cu zei santlailo thil tuah lengmang khi a si.

Israel zong hi Pathian kha an mertak i sui cawfa hna an ser i an biak. Cawtum hi zei bantuk pathian dah a si ee?(Hosea 8:6) ti zong kan hmuh. Pathian dang biak hi thli tuh bantuk a si. Siasal biaknak nih hin Pathian lung a tong lo. Thli tu tuh nih a chim duhmi cu zeisantlai lo le hruhbia a si ti kha a langhter (Phungchimtu 1:14,17). Isarel nih hruh thil an tuahmi nih khan Pathian biaceihnak le dantatnak kha a hlawh ti lai ti kha a chim duhmi a si.

Nifa kan nunnak ah hin Thli kan tuh sual maw? Online chung ah kan zohmi hna hi thli tuh bantuk hna a si sual maw ti zong ruah a herh ngai ve. Can tampi pek in kan tuah i zei hmanh a fe hah awk um ttung loin harnak hna kan zun sual maw, ti hi ruah ding a langhter. Isarel nih thli a tuh i phuchim a zun!Bil Hmung

Be the first to comment

Leave a Reply

Your email address will not be published.


*