Ka Pa ThanThan pa, tuan deuh ka rat ahkhan mu, nangmah zoh ta loin tlun kha ka duh lo i na ihnak khan te ah kan rak rat hnawh.

Ka Pa ThanThan pa, tuan deuh ka rat ahkhan mu, nangmah zoh ta loin tlun kha ka duh lo i na ihnak khan te ah kan rak rat hnawh.

Na dam nak dingah kan kut kan i tlai veve i thla kan cam ṭi kha ta, kan thlacamnak leh kan si ne lo mu. Kan voikhat tonnak veve a si nain bia za za kan i ruah kha. Thazaang tam tuk na ka pek, na khuh tuk bu tein bia zaza na ka ruah, a tu lelek na khuk thal naa let bu zong in keimah he biaruah ngol na siang lo.

Tutan civui ah kan veh lai ka ti, kaa manh lo tuk i caan dang ah tiin ka ruahmi cu ka rak palh tuk ne mu.“Nunu, kan zawt ahhin cun a kan dawtu hi an tlawm thluahmah e” na ka ti bal kha. Lungdonghnak bia chim hlah law, kan ti kha ta, ziah nai hne kho ti lo maw. Na aww aan tete ka hna thlam ah an thar ṭhan e.Crd.N Nusung Hrangtlung

Thawngpang dang relchap: Ukraine ramah Tanks kuat dingin Germany nih biakhiahnak a tuah German Cozah nih cun Ukraine khuapi Kyiv nih Russia sinah fak ngai in sunghnak a ton hnu ah Leopard Tanks pawl cu kuat dingin a hnatlaknak an tuah nak kong nihin 25/01/2022 Cawnnithumni (Wednesday) ah khan a than.

Tank pawl kuat le kuat lo kongah hin German Cozah Chancellor Olaf Scholz`s hruai mi cu Zarhkhat chung biacaihnak an ngeih hnu ah Tank kuat dingin hnatlaknak an tuah hi a si. Cu pin lengah NATO Member ram pawl hna zong German Cozah nih hin Ukraine bawmhnak ah Tank an ngeih mi pawl kua ve cio dingin forhfialnak a tuah chap.

German Cozah biakhahnak pehzul hin Poland, Spain, Finland le Norway ram hna hrang zongah Ukraine ram bawmhnak dingin Tank kuat khohnak lam a sial lawng si lo in, Ukraine nih raltuknak caah Tank 100 ka herh a timi mi a hlawhtlin khohnak hnga caah hin US nih Tank a kuat ve ah cun Ram kip nih Tank pekchanhnak an tuah khoh mi a si.

Olaf Scholz`s nih cathanh mi ah a langhter ningah cun “ Hibantukin hnatlaknak kan tuah mi nih hin kan si khoh tawk tein Ukraine Ram kan support timi langhternak a si pinah ramdang hnursuang lo tein kan cawlcangh mi a si” a ti.

German ram nih hin Ukraine ram sinah a pek mi Leopard 2 Tanks hi a dihlakin 14 a si. Hi Tanks pawl hi a mah nih a serchuah mi a si i, Ukraine nih Tank Battalion Pahnih a ngeih khohnak ding caah bawmchannak a si.

Britain le Poland ram hna zong nih Tank 14 veve an pek nak lai kong an thanh cang. Tank Battalio pakhat tuahnak caah hin Battalion pakhat ah Company pathum an um i, Company pakhat ah Tank 14 cio um a si.The Chin Post

Be the first to comment

Leave a Reply

Your email address will not be published.


*