Ka Pa, Pathian nih, “Miphun/ram kong chim ti hlah a za cang e; tuhnu cun ka thawngṭha bia lawng hi na chim cang lai”

Ka Pa, Pathian nih, “Miphun/ram kong chim ti hlah a za cang e; tuhnu cun ka thawngṭha bia lawng hi na chim cang lai” tiah a ti.

Hmailei ah zeitikhmanh ah miphun/ram kong hi ka chim ti lai lo. Ka Pa nih a ka onh ti lo.

“Bawipa Pathian nih aa tinhmi kha, a sal profet hna theihter hmasa loin zeihmanh a tuah bal lo” (Amos ‭3‬:‭7‬). Cuhnu ah Bawipa nih a chimhhrin hna, a cawnpiak hna i dan a tat hna tikah an isilhnalh/phisin kho lo.

Minung hi harsatnak, temhinnak, sungzatlaknak, ngaihchiatnak le sal dirhmun ah kan um tik lawngah hin kan thinlung a hakmi a nem i kan iporhlawtnak a lo tawn caah Bawipa kan fuh/kawl tawn.

Bawipa cu ngaihthiam a duh tukmi le zaangfah a duh tukmi asi i a sualnak ai ngaichih i a sin a kirmi paoh hna cu zeibantuk minung an si hmanh ah lunglawmtein a cohlaan dih ko hna.Crd.James Vanneilian

Motor Lampi Ah Hmanhmi Bomb A Puah Caah Khualtlawng Mi 4 Nunnak Liama.Kaya ramkulh, Loikaw peng Zayatphyu khua kalnak lampi ah nihin February ni 6, chunhnu ah khualtlawng lio motor bomb nih a puahhnawh caah, motor chung cuang mi minung 6 chung ah minung 4 cu hmakhatte ah an nunnak a liam tiah Shwe Loikaw mi bawmchantu phu Ko Aung Moe Myint nih an chim.

Nihin February ni 6, chunhnu suimilam 2:00PM hrawng ah khualtlawng motor bomb nih a puahhnawh hi a si, minung 4 an nunnak a liam, nunnak liammi hi pa lawngte an si i 2 nih hliamhma an tuar, hliamhma tuarmi hna cu siizung ah an kalpi hna tiah mibawmchantu phu nih cun an chim.

” Nunnak liammi chung in 3 hi theih an si i, pakhat cu a ho si theih a si rih lo, hliamhma tuarmi 2 zong an hliamhma a fah tuk caah an dihlak in Loikaw sizung ah kuat an si” tiah a chim.

Bomb a puahning hi a tha a fah tuk caah motor le a chung cuangmi minung zong an i hlonh dih caah hmun dangdang ah mibawmchantu phu nih an ruak an char hna tiah theih a si.

Lampi ah bomb a hmanhtu hi mizei an si le zei phu nih dah an hmanh theih a si rih lo.BVJ