Ka ngakchiat tein nihin ni tiang ka nunnak lamthluan ka zoh ah ka duh kho tuk

Thank you all for the love and birthday wishes!

Ka chuah ni a ka lawmhpitu nan zate cungah kaa lawm tuk Kum 7 ka tlin voi 4nak cu ka van phan ve ko cang hih. A sullam cu ka nunnak cheu thum chung ah cheu khat hrawng cu ka hman ve cang tinak si.

Ka ngakchiat tein nihin ni tiang ka nunnak lamthluan ka zoh ah ka duh kho tuk. Ngaihchiat caan a rak um i, lawmh caan zong a rak um. Ṭah caan a rak um i, nih caan zong a rak um. Lung dongh ngai caan a rak um i, ruahchannak nganpi he um caan zong a rak um. Har caan a rak um i, nuamh caan zong a rak um fawn. Ciṭini meh bang a thur he a thak he a al he aa cawh nain cucu ka nun a thawttertu an rak si.

A luan cia na harnak kong cu ruat ti hlah. Philh cang.» an ti tawn nain kei cu ka philh siang bak hna lo. Ka harnak a hmete in a nganpi tiang ka ruat hna. Ka rak ton lio cun an rak har tuk ko, mah le mah nunnak i lak duhnak tiang a rak ka ngeihtertu zong ka rak ton ko, nain ka tei dih hna i a tlamtling kho ti lai lo tiah ka rak ruahmi zong an tlamtling dih.

A tlamtling thai lomi hmanh khi a poi tuk ding ah ka rak ruah hna nain caan a hun kal le an poi bak hna lo. Nunnak cu pehzulh tein a kal peng ṭhiam ko. Phanh lai le ton lai ka rak ṭih tukmi thil hna zong a caan an hun phanh cun ka rak ṭih hna bang an rak si lem lo. Khikhi ka ruah tikah ka thazaang tuk an si. Harnak dang a rak rat tikah ka tei ṭhan ko lai timi ruahchannak nganpi a ka pek i ka lungthin thazaang a ṭhawnter.Crd-Roro Fambawl

Be the first to comment

Leave a Reply

Your email address will not be published.


*