Thiamsin tuah law thiamsin in tak ve tiah mi tampi nih ruahnak na kan cheuh bang in Aidii kum 9 chung a hun luh ah Laitlang le kawlram hawile he ibawm in Ram Pangpar thiamsin cu a hram kan hun thawk khawh cang. (A thawktu kan konglam pawl tling te in RPP Page ah kan thanh than te lai).
Ka lungawttawm mi cu… Aidii nih kan chuah cia design pawl hi Thiamsin in kan tak than hnga maw ti hi a si.
A bianabia ah Parborhsung tiah zapi theih in Aidii nih kan tah mi cu, nan hmaika bak ah copy tampi an hun chuah i, thilzuar tampi zong nih an zuar mi nan hmuh lai. Mah hlan thil pawl zong a kan copy lengmang ko ti cu Aidii kan thawk ka in a kan thei mi nih cun nan theih dih ko lai.
Ka lungawttawmnak a ruang bik cu Aidii thil thawitenh a cheuhkhat cu exclusive quality in Rothil caah tiah timh in chuah mi hna si i a man zong a fawi te lo. Cu i sunglawi te in a kan cawtu kan customer hna caah ka ruah i kan mah lila nih thiamsin in a fawinak in tah than ding kha ka ruat kho lo.
Khat lei ah kan chuah lo zong ah a dang nih an copy lai i an chuah ko fawn lai. Cun design aa khah ko zong ah thiamsin kutzung le kuttah kutzung cu aa dang fawn ko hnga. Kutzung that tuk i aa va ilawh tuk ko zong ah kuttah ti mi le thiamsin tah ti mi cu value aa dang thiamthiam ko hnga. Nain zapi zaran nih cun thleidan an thiam lai lo.
Cutin a phunphun ka ruat i ka lungawttawm ngai ko. Zeitin dah a that hnga? Ruahnak ka cheu ve te u law.Crd-Anna Biak Tha Mawi
Leave a Reply