Ka lung a tling bak lo.

Facebook and Social Media ah CDF/PDF ralkap le an cawlcangh ning nan tar. Chin media nan si ah, pumpak nan si ah, MAH ralkap thawng nan thanh hna a si. Ral lio a si. Ral a dih tikah na duh chung na tar len te lai.

Tar a herh hrim hrim ko ahcun, kan ralkap an umkalnak Background fing le tlang, le an hmai (tlaicia telh chih in) langhter hrimhrim hlah.

Nan tar mi pawl hi zaran cu second 15 hmanh kan zoh lo. Tar herh lo a si. MAH ralkap ca ah cun info ṭha tak tak an si. Hramhram in an kan ralkap pawl umkalnak MAH minung nih hngal hna seh law target hna seh ti tluk a si.Crd.Hrang Zel

Taze Ah Inn Khat Hnu Inn Khat Lut In Thilri A Firtu SAC Ralkap Doh An Ton Caah 13 An Thi. Sagaing ramṭhen, Taze peng Kanhtoma Sanpyia khua ah umhmun khuar i tualchung mi hna thilri firtu SAC ralkap hna cu tualchung hriamtlai phu nih voi hnih tiang bomb puahhnawh in an doh hna caah SAC ralkap 13 an thi, buhmu telh in 3 nih hliamfak an tuar tiah theih a si.

February ni 6, Kanhtoma Sanpyia khua ah mipi thilri a firtu SAC ralkap hna cu PDF phufonh nih padeta bomb puahhnawh in an doh hna caah SAC ralkap 5 an thi, 3 nih hliamhma an tuar. February ni 7 ah cu ralkap hna cu bomb puahhnawh in doh an ton ṭhan caah SAC ralkap 8 an thi chap tiah kahdohnak ah aa telmi tualchung hriamtlai hmaikal pakhat nih a chim.

SAC ralbawi pakhat telh in minung 3 nih hliamhma fak an tuar, sii i thlopnak a har caah rallam an sialnak hmun in Taze lei ah hnu an tolh ṭhan tiah theih a si.

SAC ralkap hna cu Shwebo pengkomh battalion 26 MDF-Taze Tiger, KPK, TSR le PLA phufonh hna nih an kahdoh hna tiah theih a si.Khit Thit Media