KA LAU NGAI! Myanmar Kyat ting 12 liam hau:

Melbourne in Norway lei kir dingin ka hun i thawh i tanglei in kuat dingmi suitcase pakhat, kut in hruai dingmi suitcase a hme deuhmi pakhat le bag pakhat kaa put. Tanglei in kuat dingmi suitcase khi pakhat ah cuai 23 lawng a ngah nain ka suitcase kha cuai 25 a si.

Cun kut in hruai dingmi suitcase zong kha tlawmpal te a ngan deuh i naa put kho lo, tanglei in na kuat hau an ka ti. Sicun zeizat a dih lai ka ti hna i 2kg a luanmi le atu suitcase ca he a zapi Australian dollar 850 hrawng dih lai an ka ti. (Myanmar kyat cun ting 12 hrawng).

Cu zongzong liam ding cu ka lau kho taktak khi a si. Australia le Norway cu aa hlat tukmi ram si ruang ah si kho men. Ka suitcase thil cu ka chuah hna le ka bag ah aa tlum na loin ka ben dih hna i a ka thlahtu ka ule nih suitcase pakhat cu an kirpi ṭhan.

Ka tonmi (experience) in ka fian ngaimi cu vanlawng in khuatlawngmi kan hawile thil kan kuat hna tik i an kan phurh piak khawh lo caan ah khin rak theihthiam bak an herh. Anmawh lonak tam tuk a um. Cun holh lo tein an kan phurh piak ko hmanh ah kutput fang khat-hnih te tal i put khawh ah a ṭha. US ka rak tlawn lio zongah mi thil kuatmi caah keimah tang US dollar 80 hrawng ka rak liam.

Ka thil kuat ding a tlawmte te ko ti ding a rak si lo. Kuatu an rak tampi tikah a tlawmmi te kha aa fonh i a rak tam tuk tawn. Suitcase dang hna in kuat a hau tawn i airport ah kuat man va liam a hau ṭheo. Ticket cawk lio ah suitcase ca rak cawk chih lomi cu vanlawng luh lai airport ah cawk ahcun a man van tawng cang.Crd-Roro Fambawl

Be the first to comment

Leave a Reply

Your email address will not be published.


*