Ka hei ruah venak ah Chin state CM thar le ralkap cozah hi timhtuahnak thar tampi an nei lai ka zumh.

Ka hei ruah venak ah Chin state CM thar le ralkap cozah hi timhtuahnak thar tampi an nei lai ka zumh. An sual deuh chinchin ko lai. Ngun San Aung hi a zia nem deuh i si men lai. Ralkap tham cu anmah an suaimi phunghrampi zong a caan ahcun an zul duh lai lo.

A tla cop in upadi zong an ser ko lai. Uknak le hruaitu zong an duh tik caan poah ah an thleng lengmang ko lai. Cucaah cun mipi hi ralring tein le lungfim tein le timhcia tein um peng ve a hau.Crd-Van Tum

Gym kal le Thlarau ṭhannak! Nikhatnak, gym ah na kal i inn ah na rak ṭin. Thlalang nai bik nain zeihmanh na taksa ai thlenmi na hmu lo. Nihnihnak, gym ah na kal ṭhan, zeihmanh ai thlenmi na hmu lo.

Nithumnak, gym ah na kal ṭhan i amahning ṭhiam asi. Cuticun a thaizing zong na kal nain result na hmuh lo caah gym kal nai ngol.

Asilole, zarhkhat chung gym na kal nain zeihmanh na taksa ai thlenmi a um lo. Asinain, ingol lotein le pehzulhtein na kal ṭhiam. Cun a caan ah gym kal zong na tlolh ko, a caan ah na ei lo dingmi zong na ei ṭhan ko.

Asinain ingol lo tein le pehzulhtein na kal lengmang caah na taksa a hun isersiammi thlalang chungah naa hun ihmuh.

Cubantukin Thlarau lei na ṭhan khawh nakhnga zong asi.Bible ca na rel i thla na cam lengmang ko. Bawipa he nifatin ihawikomhnak in caan na hmang ko. Bawipa na thangṭhat i Pathian rian zong na ṭuan lengmang ko nain na nunnak ah vawlei na tei khawh lomi, na ruahnak le na thinlung ah na tei khawh lomi le Khrih muisam na lawnh khawh lomi tampi a um rih ko lai.

Cun a caan ah Bible rel, thlacam in na tuah khawh lo caan a um ko lai.

Asinain tinhmi ngeitein, na tluk/pial pah ko bu zong in ingol lo tein le pehzulhtein na tuah lengmang ahcun Thiang Thlarau nih na relmi Bible bia hmang in na nun an sersiam cuahmahmi le na thinlung aa thlen cuahmahmi le vawlei na tei cuahmahmi naa hun ihmuh ko lai.

Gym kal i voikhat ah caan saupi hman i ingol in pehzulh ti lo ahcun taksa ai thleng kho lo. Thlarau lei zongah voikhat ah caan saupi hman ipek, Bible zong tampi rel, thla zong saupi cam i pehzulhtein tuah lo ahcun Thlarau in khah khawh asilo.

Teitu na si khawh nakhnga tinhmi ngeih a herh i, pehzulhtein practice na tuah lengmang ahcun, na Thlarau nun a ṭhang cuahmah ko lai. Zeihmanh hi fawitein vawlei ah hmuh/co khawh asi lo. Sacrifice (pekmi, dihmi, hlohmi, sunghmi) um a herh!Crd-James Vanneilian