India Ah Tiva Tannak Hri Hlei A Kiah Ruang Ah A Nunnak A Liam Mi Minung 141 An Um I Tam An Tlau

India ram nitlak lei ah a um mi Gujarat peng ah nizaan October 30 zerhpini zaanlei ah tiva tannak hri hlei pakhat cu a kiah ruang ah hngakchia pawl telh in mipi a nunnak a liam mi 141 tiang an um i a dang a tlau mi an tampi tiah theih a si.

Mirang uknak chan lio in an rak sak cang mi cu hri hlei cu kum 150 hrawng a si.Mah ti a can hlan ah hin hi hri hlei hi an remh i a roh hlan te ah an awn than mi a si tiah India nawlngeitu nih an chim.

India ram ah Depawali puai caan a si i cu hri hlei ah cung ah mi tampi an tlawn len lio ah hlei a kiak i minung tampi an nunnak a liam.Cu ka i a nunnak a liam mi ah hin nu ,hngakchia le kum upa deuh an tam tiah theih a si.

Cu hri hlei cu minung kalnak ca long ah an sak mi a si i a sau pe 700 le a koh pe 5 hrawng a si i a tu hnu ah cun cu hlei cu tiva tannak tu ah hman ti lo in lennak hmun tu ah an hman cang.

October 30 zerpini ah cu hri hlei ah a ra mi cu minung 500 hrawng an si men lai tiah tuak a si i cu hlei nih a cohlan mi weight nak in an tam ruang ah hlei hi a kiak mi a si lai tiah ruah a si.

Gujarat peng cu a tu India Prime Minister Modi a chuahnak khua a si i a nunnak a liam mi caah zawtlaknak man pek ding le a nunnak a liam mi hna ca zong ah ka ngeihchia tiah Modi nih a chim.(Crd.Khit Thit Media)Crd-CBN

Thawngṭha Le Atlaumi Mike Woody nih 1997 kum ah Southern Baptist Convention , Dalla ,Texas ah tehte a khan mi a um. Amah cu thongin chungah a caan tampi a hmangmi a si.Voikhat cu, “ Pathian na um taktak ahcun ka sinah rak i langhko,” tiah thla a cam. A hawipa thong a tla vemi Khrihfa pakhat nih Baibal a cheu te a tangmi a rak ṭhenh.

A hnu ahcun Jesuh Khrih sinah a phan i midang zong a hruai tu ah a cang. Thongin a chuah hnu ah, lamcung i a um mi hna sinah siseh midang sinah siseh sunglawi ngai le phundang ngaiin Pathian rian a ṭuan. A chimmi cu, “Midang caah ṭhatnak tlawmte tal ka tuah vete lai tihi ka zanmang hmanh ah ka man bal lo,” a rak ti. Mike Woody nih a tlaunak hmun in a cawn khawh ko. Crd: Alvin Reid, Intorduction to Evangelism, Nashville: Braodman&Holman Publishers, 1998.Zeihmanh a tuah kho lomi kan si ko lioah khan, cu caan thengte ah cun mi ṭha lomi kan caah Khrih kha a thi(Rom.5:6). Crd-Mah Azi

Be the first to comment

Leave a Reply

Your email address will not be published.


*