Hodah Van a kai lai?Ahodah vancung innka hunpiak asi lai?

Hodah Van a kai lai?Ahodah vancung innka hunpiak asi lai? Biathlam 3:7-8 ““Filadelfia khua i a ummi Khrihfabu vancungmi sinah hi bangin va ṭial tuah: Hi bia hi a thiangmi le a taktak a simi, David tawh a tlaitu, innka a hun tikah ahohmanh nih an khar khawh ti lomi, a khar tikah ahohmanh nih an hun khawh ti lomi bia kha a si. ” Na tuahmi kha ka hngalh; na thazang a tlawm nain kan cawnpiakmi na zulh le ka cungah zumh awk tlak na si (ka min na hlawt lo caah, KJV) kha ka hngalh. Innka pakhat kaan hunpiak i ahohmanh nih an khar kho lai lo.

Ahodah khuapi chungah a lut lai? Innka cu hunpiak asi cang. Innka hun paoh ah luh viar a si lai lo. Asi ahcun ahodah khuapi chungah a lut lai? Biathlam 21:27 Sihmanhsehlaw a thurhnawmmi cu khi khua chungah ahohmanh an lut kho lai lo; ningzah awk thil a tuahmi hna le lih a chimmi hna zong ahohmanh an lut kho lai lo. Tuufa nunnak cauk chung i an min aa ṭialmi lawnglawng cu khuapi chungah cun an lut kho lai.

Ahodah Tuufa nunnak cauk chungah a min tial asi lai? Malakhi 3:16 Khi tikah Bawipa a ṭihmi hna cu pakhat le pakhat bia an i ruah i Bawipa nih an bia cu a theihpiak hna i a ngaihpiak hna. Amah a ṭihmi hna le an lungchung in a min aa cinkenmi hna cu a hmaika i cazin chungah an min kha a khumh hna.

Malakhi 4:2 “Sihmanhsehlaw ka min a ṭihzahmi nannih caah cun, dinnak ni, a thla ah damnak a hun i zuanpimi ni cu a hung chuak lai i kawm chungin chuahmi cawfano hna bantukin nan luat lai i nan i lawm lai. ”

Van a kai dingmi le khuapi chung a lut dingmi cu tuufa nunnak cauk chungah min tialmi an si. Tuufa nunnak cauk chungah na min tial a si cang maw?Crd.Bial Mawng