Hmuhtonmi chungin ruah awk tete

(1) Tuni ah cancer zawtnak a zawmi Lainu sinah case worker nih a leng. Case worker a rian cu theih cio bangin a herhmi tete bawmh ahcun a rian a lim. Nain mah case worker nih a rian leng in a tuahmi a um. Mah nu hi a zawtnak a sau pah cang ti ah appointment a tam tuk i an pa rian a tuanmi zong nazi a tlawm taktak tikah bill pek awk ah an harsa ngai ti a hmuh tikah a mah pumpak phaisa ngeihmi chungin U$ 500 a pek. A timi cu” Kei hi keimah le keimah lawng a zohkhenhmi ka si, cun kan rian in lahkhah ka hmuhmi chungah tlawmpal a ka hleihmi a um mi chungin kan cheuh ee” .

Minung hi kan rian te cio lawng tuah ahcun tuah khawh asi ko. Cheukhat cu kan rian leng cu chim lo, kan rian hmanh tling tein a tuan lomi kan um tawn. Mah lak ah a rian lengin a pumpe mi le zangfahnak le dawtnak thinlung he an lahkhah tiang an cheuh tik hna ah van le vawlei thluahchuah an co hrim tawn. An tuahmi paoh ah mi zumhnak le upatnak an hlei in an co tawn.

(2)Michigan um ka hawile chung pakhat hi naupawi liomi fate hrawh an duh lo, mirang holh in cun pro-life an si. Mah an sinak cu an fale pahnih leng in midang fa nu le pa ngei lo ngakchia pathum an i cawm hna. Hi innchungkhar ka hmuh hna paoh ah ” Aw– an zumhmi le an i dirpimi bak a tak an nunnak zongah an i nunpi he ta ” ti a ka theihter than tawn. Facebook ka kau caan ah le ka hawile chungin pro-life le nauhrawk a do ngai nain midang fate pakhat hmanh an cawm ka hmuh lo tikah ” Ka miphun hawi kong ka theih lo deuh hna asi el hnga maw?” tiin bia ka hal caan a tam tawn.

Biadonghnak : Zumhmi le dirpimi hi kaa in au lawng siloin tuahserhnak in langhter ahcun minunnak ah tampi rian a tuan deuh hrim ko.Crd-Salai Z T Lian

Be the first to comment

Leave a Reply

Your email address will not be published.


*