Hmanthlak – Kawlralkap sin in laakmi) Lai Upa pawl nih Lai nu dawh hna hi Sio Rawl ah kan hman Piak ti hlah U law.

 

Hmanthlak – Kawlralkap sin in laakmi) Lai Upa pawl nih Lai nu dawh hna hi Sio Rawl ah kan hman Piak ti hlah U law.

(Biachap – kawlpa cu nungak helh an thiam tuk caah Laimi kan ci a mit kho)

Do/kahnak chuak seh law ui – ar tlaihhrem in an tuahto tu ding an si. Kachinram thilcang le kahdaih hlan lairam sining nan philh cang rua.

Kawlmi phun he kan i naihniam nak hna hi hlat deuh kan hau. Saya Santoe nih cun An nih zumlo tu cu လစ်လစ်ကလေး tiah a chim tawn. Social kan thiam tiah kawlmi ngamh tuk zong hi kan caah a him lem lo. Lai hla pakhat ah cun Kan innpa hna hi tihnung bik ral cu an si tiah kan hmuh.
Lainu caah kan thling a za ko. Lai Upa cheukhat nih kawlmi bawi pawl caah Kan lainu hna hi sio rawl ah an hman tawn hna . Tini ah cun kan i theih ti lo.
An mah le kawl Upa rem nak le mithmai tha hmuh nak ding ah lai nu muidawh cu an hman tawn hna.
‘Keimah Ka rian tuanmi bak hmanh ah hin, kawlpa Le Lainu (tuah 2 ) Ka thitumh ter cang hna’ tiah Upa pakhat nih Mawtaw cit pah in a kan chimh. (amawhlo nqk kong tampi a chim ve. Kawlpa nih an tuai cang hna ah cun an si kho ti lo tiah)
Kawlralkap nih hin cun lai nu cu an duhpoh in an ngah khawh hna ti si. Kawl ralkap chim lo laitlang lamco kawl pawl hmanh nih fawi tuk in an ngah khawh hna ti si. Kan nih laipa sin ah cun Vaibar lo bang in. Rungtlang lei in minu a rak tum cu kan hmu kho ti lo na in Kawlbawi nupi he aa si mi le kawlpa nih a vaihpi mi cu kan hmuh tawn ko hna ti si.

‘Kawlpa cu nungak helh thiam tuk fawn hna kaw, Lainu caah i runven a fawi ve lo” Velhle tel lo Kampau thiam lo’ ti cu si kaw, An nih caah cun velhle bia chim cu lih a si lo.(lunghmuh lo chikkhat buai nak ton ah lai nu kaltak an tih ti fawn lo. cu caah chungkhar ah an mah cu lal an i hla fawn lai ) chikkhat nu lung ton nak ca men khin Bia Arcongthai thiam hna kaw Lai nu barawh zah lo caah Laipa kan hlei a zual ter .

‘Kawlpa cu Lai tlang ah a hung phan. Lainu cu Hakha Hotel(min langh that lai lo caah) pakhat ah zaan hnih chung bak cei te a phomh hnu ah khat lei riahbuk khan dang pa phaisa ting(—-) a cawi i, Inn tang Cycle a fir i a ziam diam ko” Tiah Upa khat nih a ka chimh fawn. (A riah pi mi Nu Phaisa zong Cei lak te azaam pi rih( Fiang tuk chim a tha lai lo caah) Cu kong cu zapi nih theih si fawn hoilo. Thil thup a tam ngai . Hi kar lak thilsi ning ah Kawlpa Riantuan ning cu a mak hring hran. Lai nu cheu khat cu Phaisa mit lawng au ve hna kaw. (Cu ti cun Kan farnu cu Mithli rual riat za he)

Culawng si lo. Chim ding a tam. Phehthuh mi thil a tam . mi Hngalh lo in Lai Nu Laipa Mithli a tlak a tam. Kawl Bawi pawl nih Lai Nu Muidawh zeizah dah an hrawh cang hna, Lai tlangval lung an khuai. A nu a pa mithli he. Sual thuh duh ah an mah lila ah vai up an si fawn.(Lairam i ralring timi cauk – No Mang) tialmi zong ah hmuh khawh a si. nan mah cio/kan mah cio zong nih kan ton mi thil tampi in muhkhawh asi.

Lairam thancho nak kan tuah rual in Thatlonak sual nak le poi ton /Thil tlau lawng si lo in Kan nun zia zong a rawk deuh ve . cucu Kan mah chung lawng in a thomi si seh law i tlathlai le i chimh hrin i cawn piak zong a fawi deuh hnga, Nain Atu cu Miphun dang he kqn si cang tik ah hi thil fawi te in vun i tolrel cu asi kho ti lo. A bik in kawlmi nunzia nih a kan hrawh dihmi hi kanmah miphun lungput sersiam nak ding zong ah A har khun.
By-Salai Kawi Pui

Be the first to comment

Leave a Reply

Your email address will not be published.


*