Hello, Malay kalnak puaisa na si maw’ timi phone call ka celh lo ruang ah

 

Yangon kan zung hi ram kip visit le student visa focus in rian kan tuan. Nikum kha Malaysia visit visa zong 5 kan rak sawk piak bal hna, pakhat cu a kal i visa caan chung ah a kir ve. A dang cu kir an i tim lo caah visa an sung.

Mah hnu khan Malay kalnak a tuahmi puaisa ah tampi nih an ka ruah. Phone an ka call i ‘Malay puaisa na si maw?’ an ka ti ah ka celh bak lo, service man ting 2 men ngah in ‘puaisa’ min pek i huah cu a phu lo tuk hringhran ka ti caah Malay visit visa hrim kan tuah piak ti hna lo. Keimah sin in Malay ah minung pakhat (Lautu kan u nu sayama Suisui) lawng tutiang a kal rih.

Khat lei ah, Malay kal thlauh le kham a herh lo tiah a chim tawntu ka si fawn caah ram buainak hi keimah sipuazi caah hman ding ka huat tuk caah a si fawn. Hypocrite ka huat tuk hna caah a si fawn.

Phaisa mit lawng au ning law a tang lei kalnak ka tuah diam cang lai. Thlakhat ah a tlawm bik ting 2000 ngah khawh a si. A cung lei kalnak zong ting 15 men dih in fawi tuk tuah khawh a si. Nain, ka palhnak bawhtu nan saduhthah tlinter ka huam lo i ka tuah lo bia.

Cucaah, Salai CBT bantuk in Malay puaisa ah aka ruatmi vialte kha ka kong hlat deuh cang tuah u, piang thar cang u. ‘Malay puaisa’ tiah tuhnu aka auhmi poah cu nan dl kan helh khenh hna lai, nan tah caan a phak tikah ka mawhchiat te hlah u.Crd.Salai Lungthli Tum

Be the first to comment

Leave a Reply

Your email address will not be published.


*