Hawi nih ram le miphun hrangah heh tiah nunthap in ral an doh cuahmah lio

Khua le ram miphun nih thil biapi a ton lio le a herh tuk lio caan ah,a cawlcang duh lomi le a ngeihchiah zong a siang lomi hna cu,upatnak taktak kan co bal lai lo!!

Hawi nih ram le miphun hrangah heh tiah nunthap in ral an doh cuahmah lio ah zei tal hmanh ah rak I tel duh ruam loin,a it hual komi zong, upatnak taktak kan co bal lai lo!!

Hawi nih ram le miphun caah nunthap in heh tiah ral an doh lio le zeitindah kan ral kan tei hna lai tiah lu zong fak viar in khua an ruah cuahmah lio ah, mah hlawknak hrawnghrang le sinak (position) luklak ah a rak buaimi zong upatnak taktak kan co bal lai lo!!Crd-Salai Tial Thawng

Laa bantuk He Bia Va al hlah
Laa pakhat nih Cakei cu ram hi a dum mi a si tiah a ti. Cakei nih cun ram cu a hring ko cuh tiah a ti ve. An i al lengmang caah pakhatkhat nih bia khiah piak an hau i Chiandeih sinah an kal.

Chiandeih sin an phak tikah Laa nih cun Chiandeih bawipa ram cu a dum ko si lomaw, Cakei nih a ka al lengmang cuh, ka sik piak law ka bawipa tiah a chimh hmasa. Chiandeih nih cun cakei cu kum 5 dai tein na um lai tiah dan a tat. Laa cu teitu ka si tiah lunghmuih ngai in a kal. Cakei nih dantatnak cu a cohlan ko nain Chiandeih cu ka Bawipa, ram cu a hring ko mi na hngalh ko nain zeicadah dan na ka tat tiah a hal.

Chiandeih nih cun ram cu a hring ti cu a dikmi a si, sihmanhsehlaw ram a hrin le a dum i alnak nih zei áš­hathnemnak dah a chuah pi lai. Nangmah bantuk afimthiam mi nih a molhmi Laa he bia naa al i na caan na pamh heih caah dan kan tat mi a si. Mah pin ah ka rian nan ka tamter fawn. Cucaah a herh lomi thil ah daite in um cu bia i al lengmangnak in man a ngei deuh, a ti.Crd. Sarpaymyohtaw, June 30, 2022.
Mihrut theihhngan ah cun bia va chim len hlah, Fimnak bia na chimmi cu zeihmanh ah a rel áš­ung lai lo(Phungt. 23:9).

Be the first to comment

Leave a Reply

Your email address will not be published.


*