Halnak: Khamhnak a tlau kho maw?

Lehnak: Khamhnak “a tlau kho” timi le “a tlau kho lo” timi hi Baibal ning veve le theology ning veve an si caah (Both are biblical and theoligical) khatlei zumhnak paoh an palh tiah thlanglamh tukin kan chim awk a si lo.

Jesuh Khrih (Baibal cawnpiak ning tein) a zum taktak mi hna, Amah Pathian hrimhrim nih an zumhnak ahmaan/fek zungzal lai tiah a cohlan cangmi hna, Vanram Cauk chungah min tial cangmi hna le Thiang Thlarau in tacik khenhchih (sealed) cangmi hna khamhnak cu a tlau tthan kho hrimhrim lo.

ASINAIN, Zumhnak a kaltaak tthan i milem a biami hna (apostasy), chirnak um loin (ciammam tein/ intentionally) sualnak a tuahchih pengmi hna, khamhnak a tlau kho lo ti i sual chirnak thinlung a ngei lomi hna cu “khamh ka si” tiah ai ruat nain Nunnak Cauk chungah min tial taktak rih lomi (Farasi btk) a tlau ciami hna an si (Matt. 7:21- Bawipa2 tiah a ka timi poah Vancung peknak chungah an lut dih lai tinak a si lo. Pa duhmi a tuahmi lawng kha an lut lai). Thlau dingmi khamhnak hrim an nun ah a um bal lo.

Ps: 1. Laimi lakah, ‘khamh ka si cang’ tiah ai ruat nain khamh a si taktak lomi tampi an/kan um lai dah. 2. Nitlaklei ram (Europe ram) ah zumtu an ttumchuk tuk nak khi Reformed theology nih a influence tukmi “Zei ti na nun zongah na khamhnak a tlau kho lo” ti cawnpiaknak ruang zongah a si ve.

3. Pathian salle hna lak zongah “Khamh a tlau kho lo” ti a cawnpiak tukmi hna cu anmah hrimhrim Khrih nun theitlai an chanbau deuh hrimhrim ko.

4. Jesuh nih Vanram le Hell an um hrimhrim tiah a kan cawnpiak caah “khamh ka si taktak maw, Zumtu nun theitlai ka ngei taktak maw” (Matt. 7:15-16 – an theitlai in nan hngalh ko hna lai) ti hi kan buaipi hmasa awk si (Matt. 7:13-14: Hell ah a kalmi lam cu a kau i a fawi, nunnak a phanmi lam cu a har i a bi).Crd-CK Thian

Be the first to comment

Leave a Reply

Your email address will not be published.


*