Halkha GTI lei in ralhrang nih hriam ngan in voi 15 leng an rak kah hna.

Timit August 7 theih khawh chungmi vial update.Nihin cu ralhrang lei nih kan ralkap voi 2 an rak nam hna i ralhrang 3 kan rlakap nih hmunril in an phomh hna, hliam tuar zat a fiang deuh rih lo. Nihin kahdohnak a fak ngaingai.

Halkha GTI lei in ralhrang nih hriam ngan in voi 15 leng an rak kah hna. Chin ralkap Sniper nih ralhrang 2 cu an hrilh khawhmi mithmuh a si i, Kan ralkap cu an him dih.

Ramleng hna nih tangka nan thawhmi hi manngei tein kan ralkap nih a hmaka zawnah an thlak khawh peng ko caah tangka thawh daithlan lo hau.Crd-Salai William HC

Pathian bia!Pathian Sermi Hi Asunglawi!Luka 12:24 Langak khi zoh hna ngat u, thlaici an tuh lo, rawl zong an ttuan lo, rawl chiahnak buk zong an ngei lo, rawl khonnak ruk zong an ngei lo; a sinain Pathian nih a cawm ko hna. Nan nih cu va nak in a let tampi in pei an sun deuh cu!

Sernak tuanbia kan theih hi a biapi ngai. Theih sawhsawh lawng in a dong lo. Nunnak ah zeidah a biapi bik a si ti kha a kan theihter. Mah hi a biapi bik mi a si. Pathian nih vawlei hi a ser i cu sernak kong zumh hi a sermi he a tlakmi a si. Tuzing ah kan relmi Baibal nih hin a langhtermi cu Pathian nih a sermi langak zong si seh, a dang sermi thilnung hna hi an hnakkar tenh hrimhrim hna. An herhmi rawl a pek hna ti kha a langhter.

Langak kong a kan chimh. Langak nih thlaici an tuh lo, rawl zong an ttuan lo, rawl chiahnak buk zong an ngei lo, rawl khonnak ruk zong an ngei lo. Langak kong Jesuh nih a chimmi ah hin a langtermi cu Pathian nih a cawm ko ti kha a si. Pathian nih langak hi a cawmnak ding caah tuah khawhmi a pekmi a um ve.

Zuan khawhnak thla a pek. Langak hi a zuang lengmang i rawl a kawl. A buk, a han, a lo a um lo. Sihmanhsehlaw Pathian nih zuan lengmang in rawl kawl khawhnak sining a pek mi kha a hman ve. Langak hi a buchung ah a cawm ko a ti bak lo. Abu chung lawng ah a um i a mah sin ah a va phanmi rawl a rak ei ti a si lo. A ngaite tiah cun Langak cu Pathian nih Elijah rawl petu hna ah a rak hmanmi a si.

Langak tuanbia an chimmi pakhat: Vazuang a hmuh i a dawh nak a hngar, va zuang nih keimah nak in awtaw ai dawh deuh i awtaw ka hmuh ahcun kai dawhnak hi ka lung atling lo a ti. Awtaw sin ah a va kal tthan i awtaw he hawi kom ser in a dawhnak va hrawm a zuam. Awtaw nih ka ba tuk. Ka dawhnak zoh ding ah a rami hmuhsak lengmang a si le tu zan cu kan kom kho lai lo a ti. Awtaw nih cu nangmah bantuk in luat te in zuan le vah hi pei ka duh tuk mi le kan hngar mi a si cu a ti. Langak nih a mah sining a lung a tling tthan, an ti. Langak Pathian nih thluachuah a pekmi cu a luatmi le a zuang khomi a si hi a si.

Cun Pakhat cu langak cu a duk a ttha. Langak cu saithu mi cung aha tthu i rili tiang a zulh ti an chim mi kan theih tawn. Sathu theng le a hmai ah ei awk a chuakmi paoh a ei kho ding in Pathian nih a rak ser hi a thluachuah a si ve. Kan nih minung hna hi kan hmai a chuak paoh kan ei kho lo. Kan duk a chia. Rawl kan thim i harnak kan tong ve tawn.

Sermi thilnung hna hi Pathian nih a cawm hna. Pathian sunparnak le thil ti khawhnak a langhtertu an si. Nan nih cu va nak in a let tampi in pei an sun deuh cu, ti ah Jesuh nih a ti. Minung hi sermi vialte lak ah Pathian nih a mah mui keng in a kan sermi kan si. A sunglawi bik mi kan si. Pathian nih amah sunparnak langhtertu ding ah a kan duhmi kan si.Crd-Bil Hmung