Hakha Sii-inn Chungah SAC Ralkap Nih Minung 19 An Tlaih Hna

Hakha Sii-inn Chungah SAC Ralkap Nih Minung 19 An Tlaih Hna

Nihin October 4, zaanlei sml 3:30 ah SAC ralkap nih Hakha sii-inn chungah tualchung mi 19 an tlaih hna, tiah theih a si.

Tualchung mi pakhat nih, “Hakha sii-inn ah ngandam lo ruangah siibawi i zohter dingin a kalmi tualchung mi hna cu SAC ralkap nih an tlaih hna,” tiah The Chin Post ah a chim.

Cheukhat cu covid 19 zawtkham sii i chunh dingah a kalmi an si. Cheukhat cu mizaw congtu zong an um. Mizaw congtu cu Siibawi te nih sii an cawkter hna i, an kir lei sii-inn chung an luh ah an tlaihmi hna zong an um. An sii cawkmi he palik sakhan ah an kalpi hna i, an mizaw conghmi hna kong an ruah ah an lungre a thei ngaingai, tiah a chim chap.

An tlaihmi hna chungah nu 4 le pa 15 an si i palik sakhan ah an phone an check piak dih hna hnuah hman an thlak hna i zaanlei sml 6:30 ah an thlah áš­han dih hna, tiah theih a si.The Chin Post

Chin Miphun Dr. Ngai Tam Maung Cu NUG Deputy Minister Rian An Khinh

Chin ramkulh, Mindat khuami Dr. Ngai Tam Maung cu NUG cozah nih Ministry of Humanitarian Affairs and Disaster Management Deputy Minister si dingah tuanvo an pek tiah theih a si.

CRPH nih September 30 ni ah rian peknak cathanh an chuah i ramkomh Minister Dr. Win Myat Aye bawmtu dingah Chin miphun Dr. Ngai Tam Maung rian an pek hi a si.

Dr. Ngai Tam Maung hi 2020 Kum thimnak ah Mindat peng Amyotha hluttaw palai hmunhma ah thutden ai cuh ve mi le mipi nih thimmi palai pakhat a si, cun Ralkap nih hranhram uknak laak hnuin dirhmi Public Administration Mindat zongah rian lian ai khinh mi a si tiah theih a si.The Chin Post

Be the first to comment

Leave a Reply

Your email address will not be published.


*