Hakha Ah Vok Zaw An Tam , Zarhkhat Ah Tlawmbik Vok 4 Tluk Hrawng An Thi

Hakha Ah Vok Zaw An Tam , Zarhkhat Ah Tlawmbik Vok 4 Tluk Hrawng An Thi

Chin ramkulh Hakha khuachung ah Vok zaw a tam caah Vok a thimi a tam ngai tiah theih a si.

Saram siibawi Vok si a chun tawn mi pakhat nih a chimning ah cun ” tulio hi Hakha ah Vok zaw an tam, an zawtning hi a tamdeuh cu rawl ei an duh lo, an khuasik, tulio Vok zaw cu siichunh lo ah cun an dam a har i an thih a fawi. Vok zuatu hna nih kan i ralrin cio a herh. Zarhkhat chung ah a tlawmbik vok li hrawng hi cu an thi” tiah a chim.

Hakha khuachung ummi Vok zuatu pakhat nih ” kan vok zuatmi pahnih an thi i micheu nih an kan hal, hibantuk cu kanmah ca zong ah a țhalo i, midang a cawtu ca zong ah a țha lo tiah kan ti hna, kanmah nih kan duh paoh ah cun kan pe ko uh tiah an kan hal tiin a chim ” tiah cu thilcang a theimi pakhat nih The Chin Post ah a chim.

Hakha khuathar lei zong ah Vok zaw an tam i inn khat nih zuatmi chung in Vok hnih tibantuk zong an thi. Cheukhat cu an Vok zuatmi rawl ei duhlo in an um caah lungrethei in an um hna tiah theih a si. Cun tulio hi Vok zaw an tam tuk caah Vok sa ei hi kan ngandamnak caah kan hrial rih a herko tiah Vok zuatu pakhat nih a chim.The Chin Post