Haimual khuathar a khangtu hna hi Kalay in a rak tlung tharmi SAC ralkap an si

SAC Ralkap Nih Haimual Khua An Khangh Hnu Ah Tualchung Mino 2 An Tlaih Hna!

Nizaan August 14, zaanlei suimilam 4:30 hrawng ah Tedim peng Haimual khuathar cu SAC ralkap nih an khangh.

“Haimual khuathar a khangtu hna hi Kalay in a rak tlung tharmi SAC ralkap an si, inn an khangh hnu ah, Haimual khuami unau 2 tlaih an tong. A u hi nu kum-18 hrawng a si i, a naupa hi kum 15 hrawng a si. SAC ralkap nih bia hal ding kan in ngeih hna an ti caah an tlaih hna” tiah khuami pakhat nih The Chin Post ah a chim.

Nihin August 15, chun suimilam 12:00 hrawng ah SAC ralkap 15 hrawng cu Ṭio khuachung ah i chawk in ngiatthlainak an tuah, tiah a chim chap.The Chin Post

Kyaithto Ah Palik Bawi Motor Pakhat Cu Bomb Puahhnawh A Tong I, Palik 3 An Thi!

Mon ramkulh, Kyaithto peng, Mayanchaung (မရမ်းချောင်း) ah palik bawi motor pakhat cu tuzing ah bomb kan puahhnawh i, motor chung i a um mi palik 3 an thi, tiah Kyaithto Revolution and Information Network nih nihin August 15 ah an thanh.

Nihin August 15, zinglei suimilam 9 hrawng ah Mayankung(မးရမ်းကုန်း) khua pawng Mongpalin(မုံပုလင်) lei in Kyaithto lei ah a kal mi, palik bawi (Tat-Kyat-Kyi) Soe Win motor cu bomb kan puahhnawh i palik 3 an thi. Soe Win motor cu Toyots Wish a rang mi a si i, bomb puahnak ah a rawk dih, a chung cuang mi palik 3 cu an 3 ning in an thi, tiah an thanh.The Chin Post

Be the first to comment

Leave a Reply

Your email address will not be published.


*