Haimual Khua I Tlaih A Tongmi TTafar Hna Cu An Ruak In Hmuh An Si.

August ,16 SAC Ralhrang hna nih August 14 ,zaanlei suimilam 4:30 hrawng ah Tedim peng Haimual khuathar ankhangh hnu in Kum(18) a si mi PuiPuii le kum(15) asi mi atta pa cu an tlaih hna nihin August -16 ah an ruak in hmuh an si nak kong theih a si.

Zohthla lio mi Fanu Fapa hna aw Sahrang kut zeitluk tiang dik nantur lai mu.Ruahah thinlung a fak tuk.Hithawng a rel tu poh kanngeih chiacio ko lai ee. Tantak mi chung khar Bawipa nih hnemhram hna seh.LKZ News

Bawipa Cawnpiakning a si.1Korin 9:14 Cu bantuk tthiamtthiam in thawngttha a chimtu hna nih thawngttha chim in an paw an i cawm awk a si ti cu Bawipa cawnpiakning a si.

Korin cakaut chung ah hin Paul nih lamakaltu lle an rian kong kha tampi a chim. Pathian rianttuantu an si caah an riantuanmi in an i cawn ding a si ti kha fiang tein a chim. Vawlei cung rianttuan tu hna sining zong kha a chim hna.

Lei a thuangtu nih a lei chung in achuakmi kha a ei awk a si ko. Dam ngeitu nih a dum chung in a chaukmi kha a ei awk a si ko. Tuu khal zong nih ttu hnuk ding lo in a um bal maw? Ti kha a chim. Vawlei sining ah a fiang ngai ngai ko. Rianttuan tu hna nih an ttuannak chung in a chuakmi hna cu an ei phung rhimhrim a si.

Laimi zong nih kan chim tawnmi a um. “Zubul le khuai tawng” ti a um. Zubul an timi cu hlan lio Laiphung in zu an dah tik ah a bultu an si. Khuai kua tuk tik ah a tawngthamtu khi an si ve. An zulmi zu a ding mi le khuai a temliak deuh tu an si ko tinak a si.

Cathiang chung ah a ummi hrimhrim zong a vun chim. ‘Facang a cil mi cawtum cu a hmur va ttem hlah’ ti a um (Deu 25:4). Riantuan tu nih a ttuannak hmun ah pawcawmnak a hmuh ding hrimhrim a si ti kha fiangte in a chim. Kan relmi ahhin Bawipa cawnpiakning a si a ti mi zong a fing ngai. ‘Thawngttha a chimtu hna nih thawngttha chim in an paw an i cawm awk a si.’

Jesuh nih a zultu hna sin ah a chimmi khuatawl kalnak ding kong he zong khan a khat ngai. Phungchim i kaltik ah zeihmanh i ken lo in kal ding le an tlunnak inn ah um ding kha a chimmi a si. Nauta bik hi Lamkaltu hna hi an si ko rua ti zong ah kan chim balmi kha a si.

Ruahnak pakhat a um ve. Pathian rianttuantu cu nupi hna ngeih lo. Biakinn cheu khat ah an um bantuk le bucheu khat ah an um bantuk hna hi si ve hna seh law Pathian rianttuantu hna hi cawm ding an si ve ko. A tu cu Khrihfabu rianttuan tu hna nupi pasal an ngei. Te le fa an ngei. An dihlak cawm ding cu a fawi ve lo. Theih ding a herh ve mi cu Peter zong a nupi he khualtlawnnak ah an kal ve ko (cf. 1Korin 9:5).

Pathian riantuantu si zong ah, ral kap rianttuan mi si zong ah, siangcachim tuanmi si zong ah an ttuannak in paw cawmnak cu an hmuh awk a si. Jesuh nih, “A ka zultu hna hi a ka zultu an si ruang ah anmah lak i a nauta bik hmanh kha tikik hrai khat a pemi cu, laksawng kha a hmuh hrimhrim lai,” a ti (Mat.10:42).Bil Hmung

Be the first to comment

Leave a Reply

Your email address will not be published.


*