General Tun Myat Naing kha cu kawl ralhrang pawl he an i do lio ah zarhkhat voikhat

General Tun Myat Naing kha cu kawl ralhrang pawl he an i do lio ah zarhkhat voikhat khan in minutes 1-3 kar te khi tha peknak, forhfialnak le hnemhnak bia a chim theu.

Cu lawng si loh kawl ralhrang hrimhrim kha a hro pah hna, inn lo nan khangh le sualnak ngei lo mipi nan thah hna ruang ah AA hi hnu ah an pil lai tiah ruat hlah uh kan thawng chin lai, Ney Pi Daw hmanh ah kan in luh hnawh hna lai tbk in a hro hna.

Khi tik ah ralram um a ralkap pawl nih thathawhnak le lungthawnnak ah an hman i A miphun hrem a tuar mi hna nih hnangamnak ah an hman, an i bochan fawn.

Forhfial nak, tha peknak, hnem hnak bia hna hi ralkap ca siseh, mipi ca siseh raltuk lio ahcun kuanfang tluk in a biapi ve.
Crd-Siang Cunguk

Atu Lio Kan Tonmi Kip Hi Ngaihchiatnak Lawng Te (Caan țha kan ngeih lio ah pakhat le pakhat i daw u sih)

Ram kip le hmun kip um Fb hawile hna, atu lio cu ral le rai ruangah aho nih domhtlai manh loin cheu khat hna nih cun an kan liamtak i, i zumh awk hmanh a har lei khi a si cang. Cu tluk cun minung kan nunnak caan hi a tawi chin lengmang cang. A ruah awk zong kan hngal ti lo, ar bang kan vai dih cang.

Mi cheu khat acc cu response hmanh kan tuah manh hna lo i, cheu khat acc he cun hawikom lawng kan si hna i țha te zongin i chawnh bia manh hlan ah an liam hna.

Cheu khat acc ngeitu pawl he cun kan i kom ngaingai hna. A cheu khat cu ka caah man ngeimi fb hawikom an si hna.

Ca ka țialmi ah siseh, thazaang a ka pe lengmangtu hna le thil a dangdang kong ah a ka chawn tawn i bia ka ruah ți hawikom cheu khat pawl hna cu a voikhatnak kan i chawnh a si bantuk in a hnu bik le a donghnak bik kan i chawnh zong a si fawn.

Ngandam i zuam law hi hnu zongah tampi in kan țialpiak lengmang ko rih mu tiah forhfialnak bia he thazaang a ka pe lengmangtu hawi dawt cheu khat hna cu hawi hlan ah an rak kal chung hna.

Cucaah fb hawile vialte hna, caan tawi te kan nun lio le hmun khat i kan um ți lio caan ah hin pakhat le pakhat i daw hna u sih law pakhat le pakhat kan zawn i ruat hna u sih. I bawm u sih law pakhat le pakhat i rem tein le nuam tein khuasa ți hna u sih.

Zei kan tuah paoh ah siseh pakhat le pakhat kha ralring te le ngandam tein um i zuam mu tiah i ti u sih. Ka ngaithiam, kai lawm tuk, kan ngai kho tuk ee, kan dawt tuk tiah i ti hna u sih.

Ram kip le hmun kip um fb hawi dawt vialte hna, atu lio kan khuacaan chiat lio ral le rai thli a hran lioah hin aho cațialmi hi dah a hramthawknak a si lai i, aho cațialmi hi dah zeitik caan ah a donghnak le a hnu bik a si lai ti cu ahohmanh nih kan hngal kho hna lo hi mu.

Ralring tein le timhcia tein um i zuam hraam law..Nan dihlak cungah daihnak um ko seh. Peace Salai K. Biak Lian Thawng

Be the first to comment

Leave a Reply

Your email address will not be published.


*