Friend Request ka van in accept hnu hna ii chawnh zong i timh lo, hawikomh zong timh lo, zeibantuk post zong ah ii like piak in ii acknowledge pek piak lo a hmang mi nan um len rua ?

Cheukhat minung pawl bia kan hal ta hna lai, cun ruahnak zong kan cheu ta fawn hna lai mu….. Facebook ah hin Friends tam ka nei lo, tam neih zong ka duh lo. Mah cu caah ka fb friends chung in interaction kan neih huaha lo mi pawl khi ka delete tawn hna, no hard feelings mu an mah lei zong in interaction aum Lo caah si ve tawn! Cun a fb deactivate mi zong khi ka zoh lio he a tawn cun ka delete tawn hna. Keimah bantuk mino an tam lengluang, upa zeimawzat zong nan si ve cio ko lai.

Ka ruah khawh lo mi cuu, Facebook ah friends ding in nan rak ka add ii awihnihthum hna nan kan add tik ah cun a herh tuk mi dara um tiin accept theu mi zong nan um, cheukhat cu zeiruang lo pi zong ah asi kho men, nain fawi tein accept mi nan si lo mi khi ii theih cio ve ding in kan duh hna. Aruang cu tuchan kan social media hman ning dan hii fimkhur ngai kan hau cang ii kan mah tein restrictions zeimawzat ii tuah kan hau cio cang hna.

Friend Request ka van in accept hnu hna ii chawnh zong i timh lo, hawikomh zong timh lo, zeibantuk post zong ah ii like piak in ii acknowledge pek piak lo a hmang mi nan um len rua ? Cu zawn te ah cun kan theithiam hna lo….Minung pakhat khi a lang hlat in zoh sawhsawh awk ding in ma nan va add tawn hna hnga ka ti ? Mi pakhat an kut na va tlaih duh hna ah cun, nangmah le nangmah ii theihternak na tuah a herh tawn si kolo maw ? Social media zong ah a dan ding asi lo e.

Tuchan mino pawl cu, hawi tampi nak in hawikom tlawm te he neihniam taktak in um a duh mi mino kan si cang. Cu caah cun, unless hawikom ah ser na duh hna, asilo rian he pehtlai in chawnh na duh hna or an mah social media cawlcanghnak ah thazaang pek na duh hna dah ti lo ah cun, mi va add len ti hna hlah. Hna na hnok !! Nangmah na teih-kha-ciah pah fawn cuh!! Khuamawcaan ii kan bizuchung um mi thil kan ii hruk tilo mi kan hlawnh tawn midang kan pek tawn hna bantuk khin, kan Facebook friends list pawl zong hii ii thlennawn kan hau ko rua tiah ka ruah! Zei santlaihnak um lo iin hmunhma lawng an laa..
Crd.Mercy Sung Zaathang

Be the first to comment

Leave a Reply

Your email address will not be published.


*