Fir le Hlen, “Scam” kong hi Chin Miphun lakah “Awareness” tam deuh in chim le langhter a herh ngai in a lang.

Fir le Hlen, “Scam” kong hi Chin Miphun lakah “Awareness” tam deuh in chim le langhter a herh ngai in a lang.

2022 in a von larmi “investment Scam” ahhin Laimi an ipeih lulh ciomi ka hmuh tikah ka lung a ttha lo ngai. Scam” a si hrim an theih lo tikah, Awareness hi a herh hrim tinak a si.

Theih lo ruang ah, Retheih, zaangba ngai in an ttuanmi, an saving ngeih chunh, a miak hmuh duh ah Scam system ah an rawn tikah, sungh cikcek khawh an si tikah, lung a ttha lo. Theih bu tein, an tuah ahcun, a ttha deuh hnga.

Investment Scam ah Millions Minung a hlengtu System cu, “Ponzi Schemes or Pyramid Scheme” an timi hi an si.

Ponzi Schemes, Scam nih mi an hlen ning cu, 45 days ah interest/ a miak 4% tbk na hmuh lai tiah Mipi lung thawhnak an langhter i, hawi na sawm khawh ahcun, commission/ referral 10% na hmuh lai tbk in new investors tampi sawm dingin system an ser.

A hlawk tuk, a miak tuk tiah Phaisa an hmuhmi hi, company lei in pekmi siloin, hawi an sawm khawhmi nih an chiahmi Phaisa kha an hmuhmi cu a si. Cucaah, Ponzi Scheme ahcun, a join hmasa bik pa nih a hawile members lut ding a sawm hna, a sawm khawhmi an Phaisa chung in, miak a ei ve.

Phundang in chim ahcun, a join hmasa bik Pa nih, a scam khawhmi hna an hawile Phaisa in miak a hmuh i, a scam khawhmi a hawile nih miak an hmuh ve ding ah, hawi dang an scam chin ve hna i, cuticun, i scam lulh cio in miak hmuh kha a si.

Member a lut i, hawi a scam kho tilomi paoh an sungh. Cun, Members thar an dih ah System kha a dih, a rawk ve.

Investment tuahnak company hi Scam an sile silo hngalhnak cu, website ngeitu min/ identity an thuh lai. Company ngeitu/ owner min thate in a lang lai lo. Cozah sinah register zong an tuah lai lo. Fake registration hna an hman lai. Abik in Ponzi Scheme system paoh hi scam an si.Crd.Zasang Cinzah

Be the first to comment

Leave a Reply

Your email address will not be published.


*