World Cup 2020 Qater cu phun dang ngai asi ko. Atawi fiannak in vun chim ah cun : Atanglei zulhphung hi World Cup 2022 Qater FIFA Lawmaking body ( phunghram sertu phu ) nih ah theihter nak le cawnpiak nak hi camp 32 ah chimh cawnpiaknak le Referee le couch vialte nih theih/zulh ding tiah an cawnpiak mi asi.
1: Safety rule ( khawndennak ralrinnak )Player pakhat khat nih ake sangtuk ah thlir in ( high foot or Top tackle ) in, midang a pum/ alu / hmai ) a chuih sual ahcun direct RED Card pek ding in, action lak ding ti asi. Cu lawng lo, tuahsual silo in, hram hram in kio ( elbaw) in mi va suk le na cumh tibantuk aum ahcun Red card pek colh ding ti asi.
2. Time Wasting an duh lo Kawl holh cun aherhlo ah ” aching suai ” kan timi kha nan duh lailo ti asi. ACHING SUAI timi cu ” tahchunhnak ah Minung i thlen tik ah cung keng lam kal in kal, ar zaw bang duhsah taktak in kal ” caan heu seh ti in va tuah khi asi. Bawlung chuih azoh deuh nih cun kan fiang ko lai dah.
3. VAR technology Thar an hman
2018 World Cup lio ah VAR technology an rak hman i , Champion league / Premier League tiang zong in an hman hna. San atlai tuk an ti. Asinain 2022 World Cup Qater ahcun VAR technology thar- attha deuh- fiang deuh- rangdeuh mi an hman cang. VAR technology cu an hman ning cu :
1: Bawlung pum chung ah micro chip ( semi automatic device ) an chiah. Phundang kan chimh ahcun video camera hmete bawlungpum chung ah an chiah. Cu camare nih cun ” bawlung an vun chuih bak ah minung umtu ning le ahnu hmai – offside kan timi kha fiang ten atlaih colh. VAR room chung i aum mi nih minute 3 hrawng an check len hnu ah biakhiahnak an tuah bantuk kha a si tilo, direct in atlaih mi kha , second 3 ah Referee sin ah fiangten apek colh. FIFA technology lei tuanvo ngeitu Johnannes Holzmuller nih cun second 70 ahcun result fiangten pek kho ding in ser mi asi tiah achim.
2.Bawlung certual pakhat ah hin Video Camara hmun 12 ah chiah dih asi. Cu camera nihcun player apum ( body parts) hmun 29 vialte lang hirhiar ten hman athlak- record atuah kho tu asi. Phundang kan chim rih ahcun kan hrik le kan tthah zong video camara nih athlak khawh lai dah.
Cucaah ningcang lo thil aum tik ah le zulhphung buar aum sual tik ah i pheh kho lo in, video camara nih atlaih dih hna tinak asi. Cu lawng silo in, zulhphung an buar mi dantatnak referee nih atuah mi cu Zapi puai azoh tu nih hmuh kho ding in TV screen ngan pi ah hmuhsak thiam thiam asi. FIFA president (Gianni Infiantino ) achim mi cu atu tan World Cup 2022 Qater ah hman mi VAR technology thar kan hman mi hi atluan ko ahcun Champian League le Premier League le vawlei hmun kip nih hman cio ding in, an izuam cio lai kan zumh tiah achim.
Athei cia mi caah siloin, athei rihlo mi nan um sual ah tiah theihtlei sawhsawh ah atawinak in ka vun thai..Crd-Ral Eng Khenglawt
Leave a Reply