FIFA World Cup 2022 ah Morocco

Vulei cung ballung thiam sang hna le chim thiam hna nih Morocco nih semi final a kai lai tiah a tuakmi an um lo. Nain Group winer an si i sung chuak hmun ah Spain cu an ram lei tuan tein a tlun ter hna, Quarter hnun ah a tu lio thawngpang tha he chia hệ ai paih cuahmah mi Cristina Ronaldo phu cu an inn lei a tlun ter hui hna. Ni hin zanlei ah tu lio mino chuihthiam lakah min thang bik Kylian Mbappe te khua he an chuih lai i zei dah an lawh te hna?

Morocco nih Euro 2004 lio Greece bantuk pumpalulh tuanbia an thlen kho ve lai maw?

Euro 2004 lio ah Greece hi Group a kai lai tiah a tuak mi a um bak lo, a ruang cu annah Group ah hin inntek Portugal , min thang Spain le ttihnung Russia he an si,Group ah Spain le Russia cu a thlak ko hna, guarter final an kai i France he an itong, 1:0 an tei hna, simi final ah Czech he an itong i 1:0 in an tei than hna. Final ah inntek Portugal he an itong than I 1:0 in an tei hna caah Champion an lak, khuaruah har ngai a si mi cu Greece nih Guarter, Simi le Final tiang puai thum ning in 1:0 cio in a tei hna i an kawl mi kawl thum hi lusuk in kawlmi lawng te a rak si.

Greece le Morocco ai ilo nak cu hnukham pawl an cak ning a si, an thinlung a thawng , thih ah thih nun ah nun ti bak in an ram caah an chuih, Tutan Arab ram ah tuah mi Fifa puai ah Arab miphun a si mi Africa ram Morocco nih Champion an lak ahcun mu, an chuih mi khi ai pum mi, pumpalulh pei a si ko cu teh tiah lung isak ding, Arab miphun zong nih an ram hmun te ah teinak salu la ve ko hna law a tha tuk cu ,Suimilam tlompal ah zoh cio hna u sih By-Van Kham Hranglung

Be the first to comment

Leave a Reply

Your email address will not be published.


*