Falam peng le Hakha peng khar hmanh ah pakhat le pakhat lunghrinnak a um pah rih. A dang peng cu chim ti duh hlah usih.

Siaherhnak in a chuahmi ruahnak pawl.Hriamnam dohthlennak tuah lio ah pengkhat le pengkhat hruaitu pawl le hruaitu pawl lawng irem a za lo. Mipi le mipi kar remnak zong abiapi tuk ve.

Khrihfa kan sinak kum 100 leng, miphun ah unau kan si. Nain a neihbik Falam peng le Hakha peng khar hmanh ah pakhat le pakhat lunghrinnak a um pah rih. A dang peng cu chim ti duh hlah usih.

Min Aung Hlaing phu pawl tei kan duh taktak cio hna maw? Kan duh taktak cio hna ahcun Chin miphun chungah tangtinak taktak le lungrualnak a um lawng ah asi kho. Mah lawng si loin Chin innpa Rakhine unau he alliance level si lo hmanh ah hawikom tha level si khawh ahcun kan caah a miaknak tampi a um kho. India cozah nih biatak tein ramri um Chin hriamtlai pawl khi dawi hna sehlaw AA umnak Chinram Palewat lole Rakhine ramchung ah luh lo ahcun an har ngai kho.

A ruang cu India cozah hi Kawlram le India ramri hrawng khi Kawl ralkap mithmai zohin kan hriamtlai pawl a hnorsuan bak hna lai lo ti khawh asi lo. Cucaah atulio kan dirhmun ah innpa hriamtlai he irem hi kan caah sunghnak a um kho lomi asi. Min Aung Hlaing ralkap pawl doh hmanh rian a tam tuk cang, mah lio ah a dang ral ser chap lo ding hi a biapi kho tuk fawn.

Hi bantuk kan dirhmun caan lio ah unau kan sinak cu mipi in hruaitu in langhter cio caan asi. Chin hruaitu pawl zong nih kum 70 leng tiang Chin miphun caah thathnmennak pakhat hmanh a kan pe lomi Kawl pennak in lamdang lei ah mer pi caan asi cang. Chim duhnak cu “Chin Lam , Chin chunmang” ti bantuk kan ngeih ve hrim awk asi. Mah lo ahcun an angki zawng lawng a thlenmi an lungthin ah Kawl miphunpi cungcuan si duhnak le Kawl bohdahbata biaknak pakhat lawng karter ding timi kong a biapi in an thisen ah a ummi pawl hnu zulh cu zeipipa thathnemnak a chuah kho dingmi ka hmu lo.

Chim duhnak cu Chin miphun vialte tangti dih, idawt cikcek, ilungrual cikcek le Chin chunmang pawl ngeihnak a um lawngah Chinland ti lengmang mi cu ataktak ah Chin miphun pawl duhdim tein khuang le dar cuai in an lam kho lai.Crd-Salai Z T lian

Be the first to comment

Leave a Reply

Your email address will not be published.


*