Fa upa, fa minchawng cu nu le pa dawtnak virgin a tep tu an si. Nu le pa caah an sunglawi tuk hringhran.
An sunlawi tuk bangin nu le pa nih an bochan tuk ve hna tikah an ṭuanvo a tam. A ho hmanh nih rinh lo le cen lo buin anmah duhthimnak tein chungkhar u le nau, nu le pa caah ṭuanvo lak an i tim peng.
A nau le nakin a ruahmi a tam tuk tikah tuan tein an mature. An thinlung a ṭhawng. A caan bel te ahcun an tuarmi an chim ngam tawn lo. Nu le pa le nau le sinah a harnak a chim siang hna lo. Cu caah an thinlung a zawt ning a fak kho.
Fa upa he ṭhit um a ṭhatnak cu a cung i ka chim bang ṭuanvo lak an duh tuk tikah an partner caah zaang a dam deuh. A ṭhat lo nak lei zongah a si khomi cu ṭuanvo lak an huam tuk ca ṭhiamṭhiam ah khan a partner caah a har kho ve ko. A ruang cu midang he rian ṭuan ṭi thiam lo khawh a si.
A zualbik a cang khomi cu a chungkhar ah a nu le pa, u le nau nih a bia an rak el bal tuk lo tikah a nupi/va zong nih ka bia ngai peng seh tiah ruahchannak a ngei peng kho. A ruahning in a si lo tikah buainak hme tete a chuak kho.
Nau le rianfial an rak ṭhawn tuk tikah nupi le va ngeih hnu zongah mi a lem ngai i nupi le vale cung zongah အမိန့် pek phun rumro in khua an sa kho. An mah nih cun an i thei fawn lo. Cherhchan: Keimah. Crd-Lainu Dawtu Aa Bor
Lungput Pipami Siangpahrangpa le a tupa cu lam an lennak in an rak kir lei ah lampi ah kutdok pakhat nih ahmuh hna i a hmai ka ah a kun i upatnak a pek. Siangpahrang zong nih hmakhat te ah a kun i upatnak a pek ve. Siangpahrang pa cu kutdok nakin fak deuh in a kun caah a tupa a lungafiang lo i bia a hal. “Ka pu, a nih cu kutdok pei a si ko cu…zeicadah amah nak in fak deuh in na kun i upatnak na pek?” tiah a hal.
Siangpahrang nih cun, “ Kutdok hmanh nih siangpahrang nakin mi upat a thiam deuh ding cu ka cohlang kho lo,” tiah a tupa cu a chimh. Midang nih nangmah an in upat cu nangmah naa tlak caah a si lo. Nangmah an in upat cu an fimthiam caah a si. Mifim thiam hna hi mi upat an thiam bik.
Midang upat thiam hi nangmah na sining, na fimthiamnak a san le a niam a langhter tu a si. Crd. Sarpaymyohtaw, June 29, 2022
Pakhat le pakhat kha Khrih ah u le nau bantukin i daw cikcek u law pakhat le pakhat kha i hmaizah u(Rom 12:10). “Hmaizah awk cu hmaizah hna u, upat awk cu upat hna u”(Rom 13:7b).Mah Azi
Leave a Reply