Fa ngeih lio ka lamthluan!

Fa ngeih lio ka lamthluan! (Nungak pawl caah).Thla no theih in thok ko ning mu.Duhnung pawl hi kan thlano a chia kho tuk. Ummm,,, duhnung soi hnih phor ti pei a si kha ti ko uh. A thlano theih a fak tuk te dingmi cu ka zang nan fak cia. A ruang cu a fak tuk.

Zeitin dah a fah ti cun vawlei cung thilri vialte hi an haw nam dih i an haw nih khin ka luak an ka ton dih. Ti hmanh khi a haw nam.

Mah cun paw hi a ttam zungzal i chungril zong hi mi nih an i lak dih da ra ti awk in paw khi a lawng i ka thawchuah ka za kho lo.

Cun ka lu hi ka tung kho lo, ka lung a mit peng. Kan pa phei ka tlinh ahhin a dam deuh bantuk a si. (L leh) A hman mi bak si ma cu.

Ka zia a chiat tuk ahhin keimah le keimah hmanh ka celh lo. Zei ruang lo piin ka thin a hung peng. Ka ṭah a thut tuk ah hin ka um har fatin ka tap.

Ka ei duhmi hi hai lawng a si, hai zong cu ka ha zat tuk tiang ka ei caah ka celh ti lo i sum in ka phomh i a lamh in ka lamh.

Ni khat a si lo, ni hnih a si lo, a thla thla bak in a peh tikah a rak har bak. Caan kal a har ning hi caan a dong deng cang da ra ti hna ka rak ruat.

Ka rak theih lomi cu tan dat (vitamin) rak din piak awk ka rak hngal lo. Zing thawh ka ti din zong khi a ṭha.

Mah belte vitamin kan din zongah khan sii le cam lei a thei deuhmi sinah hal i nikhat ah pum zeizat kan din lai timi khi theih ta ahcun a tha. Fa pahnih nak ah khan cun tandat ka ding i ka thlano caan a tawi deuh.

Thla ruk chung thlano ka rak thei. Thlano lio ahcun coka luh lo bakin mi chuancia rawl lawng ei ka rak duh. Rawl pohpoh zong cu duh dih a rak si fawn hoi lo.

Buh um a vun tlok i a khu rim khi ka fih bak ko cuh. Kuak rim ka theih cun ka luak colh. Mah i nau pawi lio kuak a zu kho mi hna khi cu arthin tuh bak ka duh hna ta. An ṭhawng bak ka ti.

Mah i hlanchan kan nule lo rian an rak ṭuan chih, mi inn ah an um chap rih a rak har bak lai ka ti.

A harnak lawngte ka chim i a nuamhtuk nak te cu nau te kan paw chungah a um ti mi feeling khi bia in chim thiam a har. Zei ruangah dah thil kan ngeihmi vialte lakah fale hi an sunlawi hnga tiah ka ruat i answer ka hmuhmi cu fale cu Pathian sinin hmuhmi rosung bik an si caah a rak si ṭheu lai ti hi a si. Next cu fapaw he um kal a harnak kong a si lai.Crd-Lainu Dawtu Aa Bor

Be the first to comment

Leave a Reply

Your email address will not be published.


*