2. Nau pawi lio (န lio) Naupawi lio i a harbik ka timi pakhat cu zun a chuak peng, a tu le a tu kan zun kan zung. A hram thok thla 1-3 kar hi zun sip nih a ka ei lengmang.
Luakchuah pah i zunput rak kal peng kha a rak har tuk ka ti. Ka lu rit le rit lo piin ka tun khawh lo bu pi i zun zun va thawh lengmang hrim kha ka rak celh bak lo.
Khuaruahhar pakhat ka timi cu ka it peng i ka tho kho ti lai lo ka ihnak hna in ka lan beh te hnga maw ti te hna ka ruat nain a herh ahcun ka tho i ka kal kho ṭhan ko fawn.
Zunput kal fatin le motor cit fatin cu ka rak luak zungzal ko. Thla thlum hnu hrawng khan cun ka mit khor a vun tla ngai cang. Tandat cu din bak ding. Ka pang teah khin a bo mi te ka theih khawh cang. Ai aw mah feeling te khi. Ka ih le ka zau fa tin te ka mawi peng.
Thla li bak khan cun mah a bomi te kha a vun ngan deuh i vikvikvik a vun cawl ko ee. A laaa ka ti kawl nih (ရင်ထဲမှာလှပ်လှပ်နဲ့) an ti mi biafang khi an thiam tuk ka ti. Thinlung hi a tur lo a cawl kan ti lai ma, ka chim thiam lo. A nuam tuk bak khi si ko.
Pawi ka bantuk cun thlano cu a fak tuk ti lo nain a dam rih nai sai lo. Zun tu cu zuam chung ka tho zungzal ko.Khuasik ram ahcun lengchuah fatin kedan i danh a hauh tikah kedan danh i kun khi ka rak i harh ngai tawn.
Thla sarih hrawng ahcun sau deuh ka thut ah khin ka ke a phing pah cang. Rawl ei kaa a thawt cang tikah nau caa ttha an timi hi ei hram ka thok. A tu ceo ah.
Thla riat hrawng khan cun ka khul a nuar tuk cang. Ka rawl ei ka a thaw tuk cang i tihang nih le ka ram tuk chap bei tikah zun thawh hi ka rian sangbik bak ah a chuah.
Thla kua chung ka vun luh ah khan cun ka re a thei tuk cang i ngeih zokzok lawngte ka duh cang. Zun thawh ka zuam ti lo i zunpung ka hunh lawlaw cang. Ka fa thilri ka theih tawk ka zalh pah cang. Fahrinnak video lawng te ka zoh peng cang. Ka ttih pah nain ka ngaih pah fawn. Next cu fa ka hrinnak kong a si cang lai, tan tan tan!
A ka crush tu pawl ka hmanthlak an zoh lai i an cui pah lai. Crd-Lainu Dawtu Aa Bor
Zumhnak A Rawh Tikah Kan fapa Bod nih a nu le keimah cu a kan hlen caah kan karlak zumhnak cu a rak rawk. Bob cu a no ngai rih Linda cu nupi caah a duh, zarhkhat voikhat lawng ton ding in nawl kan pek. Zankhat cu a thli in Linda sinah a kal, a kong kan hlat tikah ka hawi pa sinah ka um a ti.
Thil sining fiangfai kan hun hngalh ṭhan, kan zumhnak kha ningcang lo in a hman. Cucaah thlalang hrai pakhat kha ka lak i tuangah a hmai ah ka thlak cun Bob hihi na pehṭhan dih kho lai maw ka ti. Bob nih “ka tuah khawh lai ka zum lo,” a ti. “A si, hibantuk in zumhnak timi zong a rawk hnu cun serṭhan khawh a si ti lo,” ka ti.
“Cu hnu cu Bob cu aa ralring cang, thil biapi tuk a cawn,” a ti. Dr. Robert H. Schuller, in Homemade, Jan., 198 Bawipa ṭih hi fim hram i thawh cu a si; cu bantukin a nungmi cu hngalhnak ah an ṭhang, Bawipa cu zungzal in thangṭhat si ko seh. (Ps. 111: 10)Mah Azi
Leave a Reply