Fale ca i a ṭha bik rawl cu nu le hnuk hang hi a si. Nu pakhat nih fa kan hrin tikah hnuk kan dinh lai timi khi cu auto in a ra ko. Nu cheukhat nih cun an pum rawh sian lo ah an fale hnuk a dinh lomi zong an um i an mah kong kha ka zawn ah hincun ka chim duh lai lo.
Nu cheu cu hnuk hang a chuak lomi zong kan um caah hi capar hi hnuk hang a chuak lomi ka nu hawi nih phundang ah nan ka ruahpiak nak hnga lo kan nawl hna.
Fa kan hrinin thla (6) tiang khi nu hnuk dah ti lo ti zong dinh lo dingin siibawi te nih cun recommend an tuah. Thla ruk a tlin hnu tuah an thla ning le an kum ning in ei le din ding rawl khi a um dih i mu. Cun nu hnuk hi kum (1) tiang tal cu dinh ding a si tiah ruahnak an kan pek.
Siibawi te nih ka fa a vun chuah i hnuk dinh ding a si ah han hnuk dinh dan cu an ka cawn piak. Kan hnukmur a par lei a nakmi vialte khi nau a hmur/ka chung ah na luh ter dih lai ti a si.
Mah tiapi hi ka fa a kaa chungah zei tin hen a tlum dih lai tiah ka lung chung in ka ruah len. Nain ka tuah phot, a tlamtling lo. Ka fa nih cun a par te cu a dawp lengmang ko. Fa hrin ka ahcun kan hnuk hang cu a chuak colh lo i mu.
Ka fa nih le a paw tam i adawp peng tikah ka hnukhmur a vun vialte kha a kok dih i a hma ti ko usih. Ni hnih thum hnu khan cun ka hnuk hang cu a chuak cang nain ka hnukmur cu a hmat cang tikah ka fa hnuk ka dinh lai poh ah thutnak ka ser i cun i ke lamhnak ka chiah. A ruang cu a hma cangmi kok lak i ka fa nih a vun dawpmi kha ka celh bak lo. A zawt zong a ka zawt bak. Ka hnukmur a hma mi cu tuan ah a dam kho lo, a ruang cu a dam deng ah ka fa nih hnuk cu a dawp lengmang cu mu. Ka tial pah ah ka khuasiksem a chuak than, a ruang cu a rak fak tuk hringhran.
Ram ṭha kan ti cu sii thuh ding kha a rak um i sii thuh ding zong kha nau caah harnak a pe lo ding khi a rak si ve. Lailei ah khan an rak tong ve lai va si kaw zeidah an rak i thuh ve hnga ti ka ruat len.Crd-Lainu Dawtu Arbor Hmanthlak laknak: google
Fale ca i a ṭha bik rawl cu nu le hnuk hang hi a si. Nu pakhat nih fa kan hrin tikah hnuk kan dinh lai timi khi cu auto in a ra ko. Nu cheukhat nih cun an pum rawh sian lo ah an fale hnuk a dinh lomi zong an um i an mah kong kha ka zawn ah hincun ka chim duh lai lo.
Nu cheu cu hnuk hang a chuak lomi zong kan um caah hi capar hi hnuk hang a chuak lomi ka nu hawi nih phundang ah nan ka ruahpiak nak hnga lo kan nawl hna.
Fa kan hrinin thla (6) tiang khi nu hnuk dah ti lo ti zong dinh lo dingin siibawi te nih cun recommend an tuah. Thla ruk a tlin hnu tuah an thla ning le an kum ning in ei le din ding rawl khi a um dih i mu. Cun nu hnuk hi kum (1) tiang tal cu dinh ding a si tiah ruahnak an kan pek.
Siibawi te nih ka fa a vun chuah i hnuk dinh ding a si ah han hnuk dinh dan cu an ka cawn piak. Kan hnukmur a par lei a nakmi vialte khi nau a hmur/ka chung ah na luh ter dih lai ti a si.
Mah tiapi hi ka fa a kaa chungah zei tin hen a tlum dih lai tiah ka lung chung in ka ruah len. Nain ka tuah phot, a tlamtling lo. Ka fa nih cun a par te cu a dawp lengmang ko. Fa hrin ka ahcun kan hnuk hang cu a chuak colh lo i mu.
Ka fa nih le a paw tam i adawp peng tikah ka hnukhmur a vun vialte kha a kok dih i a hma ti ko usih. Ni hnih thum hnu khan cun ka hnuk hang cu a chuak cang nain ka hnukmur cu a hmat cang tikah ka fa hnuk ka dinh lai poh ah thutnak ka ser i cun i ke lamhnak ka chiah. A ruang cu a hma cangmi kok lak i ka fa nih a vun dawpmi kha ka celh bak lo. A zawt zong a ka zawt bak. Ka hnukmur a hma mi cu tuan ah a dam kho lo, a ruang cu a dam deng ah ka fa nih hnuk cu a dawp lengmang cu mu. Ka tial pah ah ka khuasiksem a chuak than, a ruang cu a rak fak tuk hringhran.
Ram ṭha kan ti cu sii thuh ding kha a rak um i sii thuh ding zong kha nau caah harnak a pe lo ding khi a rak si ve. Lailei ah khan an rak tong ve lai va si kaw zeidah an rak i thuh ve hnga ti ka ruat len.Crd-Lainu Dawtu Arbor Hmanthlak laknak: google
Leave a Reply