Ex.Chief minister Lian Luai le MP.rual rethei tuk i an um lioah nomh-hneih phun cu.

Ruahlopi khin, India cawimawinak Award kum 2021 caah a dawngmi Pi.B Sangkhumi teinn ah ka va leeng. Ka va lennak aruang cu LPS ah a ttuanmi Vaal.Puia he hla kan phuah tti-mi va chimhchonh ah asi. Cu-ahcun Pi.B Sangkhum nihcun Liante zohhmenh khih,  Kan innhmai ahkhin Pu.Lianluai Chin Chief minister dawhawh a van um cuh a ka ti. Cubantuk in a ka chimh ahcun hei chonh lo awk a ttha lo.

Ka hei lut I kapu tiah ka chonh. Thawngpang tawite ka hei hal. Kan innhlanmi hi LCF.nih an kan hlan piak.Tangka Bank ah lak dingmi kha rikhiah kan si i kannuu nih voi 2 alak manh I tlawmpalte asi. Ramdang ah ka unaupa a um I a upa ve cang, cu nihcun tlawm tete khin a van ti i cucu siko kan har tuk tiah a ka chimh. Cun, Mizopawl nihhin a caan caan ah meeting tibantuk hna an kan sawm ahhin taxi man kan harsat kongkan chimh hna I an kan tum piak tawn ati.Lih achim hrimhrim lai lo timi cu an khawsak le an mithmai in ka hmuh khawh.

Cun, MP. pa 1 he khawlai ah kan i tong tthan. MP. asi hlan ah ka theihmi te an si tiah zeitin nan boruak tiah ka hal ve. Kannu nih Dawr kha atuah I keinih ka lahkhah(Si-pin) ka tuanlio lahkhah kha na theih ko.MP ka dir ahkhan khualtlawnnak ah a dih viar. Dawr le inn hna kha asi.

Theih bangin Thantlang cu a kaang i kan thil vialte a kang dih. ka fale Ramdang kalmi an um fawn lo, hitihin kan siko hiteh tiah a ka chimh. Atu hi khoidah na kal lai kati i  ka lawilai tiah a ka leh. Ziah mah kahin na lawilo kati tikah Taxi man nakin Bus man atlawm deuh i ka va kal thluahmah lai I khika leikhin ka va lawi lai a ka ti. Bus le Taxi tangka aa thlauh nakcu kan itonnak cun,Rs.100 asi, Mah kacun Bus umnak hmun cu kee cun a panh thluhmah.

Lih achim hrimhrim lo timi cu a fenheih thilthuam le a cawlcangh ning nih a fiantet pinah tangka 100 ruanah MP. thadi tukin aa tuahmi kha.  Cu dirhmun ahcun nihin ahhin kan dir. Anmah hmenh cubantuk ansi ahcun midang hna teh timi ruah loawk a ttha lo.

Zeidah ka chim duh tiah cun, Ramthumnak ummi ko khi an fel tuk. tangka locun nihin boruak ah cawl khawh silo an theih I an nupi fale eiding le dinding tiangin an pek. An fel taktak. Pathian nih asawh sawh Siter bal lailo.   Culio ah, Mizo hlasak thiam vasawm I hlasak le nomhhneihnak tuah phun le Award pek tibantuk lairel le Online tuah khawh ko mi tangka tampi dih i  Ramdang tlawn hau phun cu, aikeih hnga maw timi ka tuak ngai ve. Cupawl tuah sile  mah nih a tthatnak  chim phun.
nihin boruak he hin aikeih taktak ko hnga maw timi tuak lo awk a ttha lo.

Media Goup pawl zong  nih Zoom meeting le interview tuah poh ah hlasak rumro, mahtluk menh loah, News pei kan ngaih duhmi siko cu tiah achimmi zawng an um fawn. Cuticun thil an si.Cubantuk in, Kan naule Tihal rawlttam, busik tuar lioah nomhhneih phun in khawsak cu, Pathian lomh zawng le Laiphung asi ka zum lo. Crd-Liante Lai

Be the first to comment

Leave a Reply

Your email address will not be published.


*