Dr.Ngun Cung Lian cu a thang chiatnak kong tampi nantial nain Henry Van Thio kongcu a thatnak lawngte nantial,”tiah media pakhat nih ati.

Dr.Ngun Cung Lian cu a thang
chiatnak kong tampi nantial nain Henry Van Thio kongcu a thatnak lawngte nantial,”tiah media pakhat nih ati. Dr.Ngun Cung Lian kong cu ka theilo nain Henry Van he cun pu le tu kansi caah a konglam cu keimah nih kavun chim ve lai.A khua cu tikir asii hakha in tanghra a awn hnuah OTS a hmuh i ralkap a lut.

Captain asi lio ah Kachin ramah raltuk ah ankal.Anmah lei kha  150 ansi i KIA lei cu 300 hrawng ansi. Anra lai tithawng anrak theihcia caah lamin anbawh hna. Zantim suimilam 2:00 p.m hrawng ah kah dohnak anthok i ralkap leikha tampi anthi.

Henry Van Thio zong cu a thi dengmang cang.Cu lioah aw pakhat nih.” anmah lakah Chinmi ralbawi Henry Van Thio a um.A mah kha rak tawnghlah u rak luatter u,” tiah a thang.Cuticun Henry Van Thio cu thihnak chung in aluat.Ralkap in pensen a lak hnuah Verginia Sehzung ah upa rian a tuan.Cuka cun aa din i annu he Phillipine ah Bible Sianginn an kai.

Annu cu Ph D tiang chuak lakin a kai nain a nih cu politic a duh caah Laitlang ah a rak tlung. Ka sin zongah voihnih tiang a ka leeng.

NLD ah alut i MP a hmuh.
Nepidaw ah meeting cu antuah lengmang phone ka hei chonh,” zeidah nalawh kati i,” Bahu komiti ah ka um. Kawlram butget vialte tolreltu komiti ah kaum.” tiah ati.’ A thatuk i zuamko,’ tiah kati.Cuticun can zeimawzat a rauh hnuhah ruahlo piin Duh- Tamadah a hmuh ti asi ko.Mipi vialte anrak i lawm cio caah lawmnak biachim mi an tamngaingai.

Kathinlung chungah US President lakah Ronald Reagan nih Tamadah a hmuh lioah mipi aa lawmmi antam cem bnt in Henry Van Thio nih Duh Tamadah a hmuh micu a lawmmi antam taktak.

Kalungthli in rianlian tuk asi caah aa chuah suallai ti kaphang ngaingai. Asinain Pathian nih a umpi.Rian lianngan tampi a tuan khawh.Avoi khatnak hakha a rak phan i a nu inn ah thlacamnak a tuah. Cuka i bia a chimmi cu,” atu hidir hmun ka phaknak cu nu le pa hna nan thlacampiak thawngin  asi.

Keimah fimthiamnak thawngin asilo.Cu caah thla fakpi in kacampiak rih ko u tiah kan
nawlhna.Cu pinah karian tuan hawi asimi ka cunglei upa hna le  ralkap lei upa vialte hna  caah thla hong kan campiak rih ko uh,”tiah kan nawl hna, ” tiah ati.

Duh- tamadah a tuan chungah teinak ‘Achievement’ a hmuhmi hna cu,1. Ralkap chanlio i Loram anrak chuhmi hna Erawady ramthen ah Eka 6000, Sakaing ramthen ah Eka 3000 ,Mdy Ramthen ah eka 1600 ,Shan ram ah Eka 800 tiin a ngeitu sinah a pekthan hna.

“Atu kannin pekthan mi hna hi nanzuar lailo,nan pound fawn lailo,pezulh tein kumthum tiang nantuan nanthlawh asi ahcun Permit kannin pekhna laii a zungzal nanmah ta a asi lai,” tiah ati hna.
Anni lawm taktak Bawi Jesuh a tumrua tiah kanruah,” anti.
Cun World Bank ah dinti caah tangka 1 million $ a hmuh piak hna. Kawlram dihlak dinti a harmi hna caah a hal piakmi asi. Lawmhnak thlacam nak antuah  Henry Van Thio le annu cu, ရေ မိခင် နှင့် ရေ ဖခင်, tiah ဘွ့ဲ anpek  hna.

Cuvial cu a tawinak in sirih seh. A dang a Vision a ngeihmi cu Laitlang Hydro Electric Project tampi a tuah i cu a dihcun Meitha tampi a um tikah Khuhsi lobo le Rungtlang karlak ah Electric  Pipian kasih lai ati.

Mindat ah Lemrova project. Matupi ah bungtla va project.Hnaring ah bawinuva project le Falam ah Manipur river project hna ansi. Bungzung, Lei  um ah Mirang vawlei sehzung  project zong a um. A dang aa tinhmi tampi a um rih nain a tuah manh tilo.

Hakha University zong Henry Van Thio thawngin kan hmuhmi asi.
Pathian nih hin amah a dawmi hna caah le aa tinhmi ning in a kawhmi hna caah cun, zeizong vialte cu a tha leiah a ser piakko hna tikha kan hngalh.Rom 8:2 8Crd.Mosesthlacung Mosesthlacung