Dotu hi rak um hna hlah seh law zuam duhnak hi ka rak ngei hnga lo.

1. Fimnak le hngalhnak cu ka thla an si. Cu hna cu nitin ka tonmi thil ah kaa cawn hna.

2. Dotu hi rak um hna hlah seh law zuam duhnak hi ka rak ngei hnga lo.

3. Dawtnak leiba hi ni fatin cham ding a ngeimi minung ka si hi mi thluachuak ka si ko.

4. Huat awk thil a tammi ah dawtnak kaa thim deuh ahhin ka nun sullam a ngei deuh.

5. Midang sin cun hawi nakin ka chia deuh hlei lo, nihsawh le thlanglamh ding ka duh lo. Hawi sining te ka si ve ko. Nain keimah caah cun mi chambau bik ka si zong ka philh lo.

6. A tlam tling lo tukmi keimah nih hin duh a tlin lonak vawlei ahhin midang tlam tlin lonak theihthiamnak hi ka rak herh ve hrim hrim.

7. Keimah huat cu a miakmi a um lo. Zei ca tiah kan huat ve hna lai lo caah a si.

8. Midang sinin ruahchannak ngeih tuk hi thinlung a ba tawn. Midang caah ṭuan i timh ve hi thinlung caah si ṭha a si.

9. Ka chiatnak an chimh tlukin ka chia lo i, ka ṭhatnak an chim tluk zong in ka ṭha hlei lo.

10. Na ka uar le kaa lawm, na ka huat le ka caah thil poi a si lo. Ka cungah a tlungmi thil hi cohlan zia thiam aa zuam pengmi ka si ko.crd-Nusung Hrangtlung

Bible le Thlalang Missionary society pakhat nih missionary pakhat cu African miphun pakhat sinah rianṭuan dingah an thlah. A mah nih thlalang fate pakhat aa phurh. Cuka miphun hna nih thlalang an hmu bal lo. An hmai zong an i hmu bal lo, tichung i a thla a langmi dah ti lo cun. Thlalang kong cu a thang ciammam, missionary pa nih cun i bih ding in a sawm hna.

Cu kong cu an siangpahrang fanu nih a theih. Cu siangpahrang fanu cu aa dawh taktak tiah a min a thang mi a si. Thlalang kong cu a theih tikah zeitluk in dah aa dawh cu hngalh a duh caah missionary sinah cun a kal. Thlalang cu saupi aa bih, zeidah a lawh tiah aa zoh dih hnu ah Siangpahrang nawlngeihnak kha a chuah i cun thlalang cu a khuai dih. Mah hnu ah thlalang cu an miphun sinah rak phurh tilo ding in nawlbia a chuah.

Zeiruangah dah siangpahrang fanu nih thlalanghi a huat tiahcun a sining dik tak kha a chimh caah a si.. cucu amah cu muichia mi a si.. cucaah a duh lonak kha a si. Mitampi nih Bible rel kan duh lonak hi minung kan sining, kan tlamtlin lonak a kan hmuhsak caah a si theu. Source: The Gold Mine, Lee Roberson.

A bia a thei nain a tuah ṭung lomi cu hi bantuk mi hi a si: mipa pakhat nih thlalang aa bih i amah le amah cu aa hmu. Ṭha tein aa zoh i a kal i zei ka lo ti kha a philh colh. Sihmanhsehlaw mi a luattertu nawlbia tling chungah ṭha tein aa bih i cucu a ruat peng i, a theihmi kha philh loin a tuahmipa cu Pathian nih a tuahnak ah lawmhnak a pek (James 1:23-25).

Be the first to comment

Leave a Reply

Your email address will not be published.


*