Dothlennak ruangah maw! kan tian ko ne lai!

Miphun le Ram caah pasal ramtang ah Dawtmi u nau hoikawm kal tak in miphun caah nganfahnak suttung kan i tlaih. Dawtmi kutnem tlaihnak in hriamtlaihnak ah,nun nuamhnak in miphun caah har kan i thim hihi hruh ruang zaangzelruang le thathut ruang a si lo ram dawt ruang tu ah a si timi tu hi k Dawt van ka theihpiak tiah in cah nolh lengmang hi ka duh.

Zeiruang ah kei na Dawtmi Salai/Mai nih hriam ka tlaihnak a ruang hi zeidang ruang a si lo,kan dawtmi kan nu kan pa kan u le nih an rak zoh ngam lo ruang tu ah a si. Nihin ah kei na dawtmi nih hriam tlaih in ka tuk ka doh lo ahcun Miphun ram le techin fapar chantiang sal an si ding le nang le kei I kan hrin semmawng rual hna san hmailei caan tiang an caah khuaruah ah nihin ramtang ah kan nih kan luhnak hi a
si.

Ram cu a kan sertu kan Biakmi zawng nih Israel miphun ram a lakter hna i a pek hna zawng ah khan raltuknak a um an thlanti man ah khan kan Pathian nih thlua a chuahmi hna a si. Dotu um lo ahcun kan miphun kan ram a zaleen lai lo i Pathian nih a thluachuahnak kha kan cung ah a kan pe kho lai lo, Pathian umpi le Thluachuah hi a hal lawng in hal awk a si lo kan tuanmi ah khan le kan thlantiman thisen man ah
Thluachuah a kan peknak lai tu ah kan hal awk a si ka rak chimlengmang mi nai fiang cang maw?

Dawt; kan Dothlennak a dih i teinak thantaar he zalam cung ah kan chuah tik le, Vawlei nih hin vawleithar a kan pek tikah le caan nih caan ati tikah, vawleithar ah kan i tong than te lai timi ruahchannak he dothlennak ah ka hnim ni kha atu nihin minutes bantuk in ka mitthlam ah an cuang. Teinak thantaar he nan rak kir tik ah lomhnak he kan don lai dawt tiin na rakchim mi biafang hna kha thazaang a ka petu nihin tiang an si ko rih nain kei cu na chim mi ah khan ka zumhnak le ka dawtnak vialte kha ka rak chiah nain nihin ahcun nang cu khun na dim cang, kei tu cu na zun he ram tang ah Miphun ram caah le na techin fapar hna caah tiin na hram ko rih,kei le ka dawt tuanbia cu hi tin a rak si!.

2021 February 1 zing cu a zaan te in ka ka hawi her aa dang voidang a lo ti lo,A muidih mi zaanpi cu khuafing cah nih a van thangh i 9:00AM ah Zungkai kaa thawh, Min Aung Hlaing nihcun Phone Line vialte a off dih ca ah a boruakpi hrimkha a rak ritciatuk, cu tin kan nih theu kan vak hawi zeidah cang tiah Uico sa bawh bang News kan kawl I kan vakvai hawi cu pah cun Nepydaw i an biacaih an meeting pi cu kan
hngak lulh ko hna cu i kan theihmi cu Ralkap nih uknak an lak kumkhat ca in timi kha a rak si ai.

Cu ni ahcu si kei le ka Dawtmi kan rak i tonnak cu siarem lo ngai in le phunciar ngai phun in uknak latu ralkap tangah cun kan um ko hna ni le caan a van liam tik ah cu uknak tha lo cu dohhram ai van thawk Mino kha lamcung ah chuak in uknak tha lo kha kan van doh hna, a ninga nakni ah ka hmai ah Angki nakmi te zinbawngbi i remngai in aa hrukmi kha ka hmuh,a sam ai thlak a mui ka hmu lo nain ruahchannak nganpi ka ngei, a hmai lei in ka hmuh lo mi mai cu Salai cio i nungak an hmuh tawn I an thinlung um bantuk theu in immm khi nu cu tiah ka mit a thii, a voikhatnak bik a si ca ah ka chawn ngam colh lo a min hmanh ka thei rih lo,Van lanh takpah khin Cycle cung in rem lo nawn khin hmaan ka vanthlak ta cu ah Cemra ka hman mi zawng cu Canon 70D lawng khi a si rih. Hmanthlak zawng cu a fiang kho lo cycle cung in a si ruang ah blur nawn khin a um nain cu hmanthlak te ka zoh than tik ahcun ka thinlung a mersuan dih. Aw hi hrim hi pasal pakhat a simi hna zawng an thinlung hnar no a tam i a teng tawntu hna duhnak timi cu a rak si ko hih tiah kaa van fiang, nain cu lio ah ka thinlung tak cu duhnak maw a si a silo ah mit thiitnak sawhsawh dah a si hmanh kha kaa fiang lo, nihin ka van ruah than ah hin duhnak dawtnak a rak si ko timi a tu hnu lawng ah kaa van fiang.

Cu ni thawk in pei keimah lawng ka rak buaikhim i duhnak dawtnak ahcun a ho buailo in pasal keimah lawng bang a thli tein capawl pah bang pah hram kaa rak thawk cu…. a hmanthlak te cu ka Phone chung ah  kaa rawn i ka zoh pakhin khua ka ruahmi saikuzin ram ah ka lut ii Zeitin! A ho? Khoi ka sang ummi! A phone no zeitin ka ngah lai i ka theih lai timi lawng khua ka ruat cang, Min Aung Hlaing uknak duhlo in maw lam ka zawh ii chikhat ka hmuhmi Mai hmuh duh ah dah lamcung ah ka rak chuah cuaithlai khawh sisehlaw 50-50 an si men lai tiah ka ruah. Nifatin rian le khai lak ah lamchuah cu kaa thawhpeng cu ti ii vakpeng chuakpeng hrat cu caan tha ka hmuhnak cu a si cu, cucu ka rak kawlpengmi a si. Uknak tha lo kan duh lo tiah kan au i kan I dinh lio ah minung tlawm deuhnak hmun ah an thut kha ka hmuh ii Hmaisen le no nawn te khin a si ka hmuh, an ti a hal lai tiah le caan tha hmuh
duh ah an thutnak kam ahcun va kal in!
hello nan baa maw?

Immm kan baa pah ko!A sihrim lain an mawhbak lo nan ti hna hal maw ti hna van ding u khah!Immm kan ii lawm van ding koning suisui hi a lak ka rak fiallengmang ii a ngamh lo le kan rak I fialcuahmah lio a si tiah a hawi nu nihcun a van ti

Immmm tampi khan ding uh nan ti haltuk lai! Tiah an kam thut pahcun ka van ti, nan felbak si tiah ka van chim than fel si lo Uknak tha lo cu doh awk si ko baat zawng a phu ko tiah a rak kaa leh! Cun kei nih Immm sihrim ti baat le thih le tlaihkhih ton zawng a phu ko tiah a bia cu ka van leh, khoi kaa sang ah dah nan um ve? Nichiar kan hmuh peng hna tiah ka van hal, Angun nihcun kan nih zawng kan in hmuh peng ve ko nangmah na fel deuh a hlei in nan nih Media hrimcu nan felhlei khun tiah a van chim ii aw sorry kan umnak cu Khuathar ah a si tiah a van ka leh…..

Aa fel cu si lo herh ruangtu ah si ko lo maw cun pakhat ah nanmah hmuh duh pah khin a sipah cu tiah ka van chim,Angun nih a leh mah vialte mai tam ah kan mah hmuh duh ahcun a si ballai lo cuh tiah ningzak hmaisen nawn khin a van ka leh.

Biatak si thabaat pah le nichiar nan mui hmuh ahcun tha dit a dam ii lamchuah zawng a nuamtuk hme cu nan mah hmuh duh ah si deuh ko nichiar ka rat venak cu tiah ka bia ka van peh ii a si khah kan I thawh cang lai an ti khih, Angun Na Phone no na ka pe kho hnga maw? Tiah ka van hal, pe khotuk ah kanmah hna na van kan chawnh huam ve ding ahcun tiah a van ti pah khin-Khah – 09265 4 a van ka pek ii kan van call te lai mu tiah kan i then than hna Photo :Mizo Photo collection GroupPeh nolh ding—By : Salai DK Note : hi tuanbia hi lenhloi a si lenhloi a si bang a reltu ca ah a thlum alnaklai tialmi a si.

Be the first to comment

Leave a Reply

Your email address will not be published.


*