Dohthlennak hi a phu lo kan tei lai lo kan pamhmai tiah ruah khi an mawhlo ti khawh a si.

Dohthlennak hi a phu lo kan tei lai lo kan pamhmai tiah ruah khi an mawhlo ti khawh a si. Mahbalte nan hrut tuk hei ti, mah tilzang cumh hei ti, ngol ziar ko uh hei ti i sirleih le soisel phun in a bia hlei ngaimi pawl tu khi cu an bia a dik ko zongah zeitik hmanh ah hmunhma an nei ti lo lawlaw.

Mirangte nih mi ramdang an rak luh hnawh lio hna ah thal le cantiang he hmanh rak doh an si. Kan tei hna lai lo welcome a timi miphun pazeizat dah an um.

Pu Lal Luai zong nih thalpak he a doh ve hna. A tei hna lo nain miphun nih upat a si, zohchunmi a si. Teitu lawng a dikmi an si lo, hero an si lo.

Atu dohthlennak ah ai telmi vialte cu kan tei lo zongah kan ilungsi te lai, hmai a hngal ṭhiam lai. Kan tei chinchin tikah cun vawleipi theih in kan ṭang kan icum ve te lai.

Hawi nih nunnak an pek cuahmah lio i soisel le nihsawh phun in a rak ilami, kan hawi khua dang cu a dai tuk e an ṭhangcho tuk e ti i mihngar lawng a rak rianmi pawl cu ral kan tei lo hmanh ah mipi sinah mithmai chiahnak hmun an nei lo hrimhrim. An hmai chiahnak cu an zapei cung ummi an fon te hi a si ko. Ral tei tik ahcun an hngawngpareng in dit viar te ding.

Mah hna pawl khi narcissist phun an si le an bia le hla pawl a tlin dingmi kha ral tei nak in an duh deuh lai. Dohthlennak a der deuh paoh ah an ka a long lai, a ṭhawn deuh paoh ah an thinphang la. Cu ceu cu an si.Crd.Cung Hup Thang