Dawtnak Taktak

KIA a kah lioah China ram ah Ralhrang bomb a tla mi cu China nih dohkalhnak le sual photnak a rak tuah colh. Yunan province ummi Kachin hrin phun pawl colcangh le chimrel haulo in Kawl ralhrang cu China cozah nih ralrin a pek i sual a phot colh.

Tihni hmasa ah CNA hmunpi cu Ralhrang Vanlong nih India ramchung lut in a kah pinah India ramchung ah bomb zong a thlak i India rammi thil zong a hrawh.
Asinain India/Modi cozah nih ralhrang cu ţanpi in a um lehlam i ralhrang nih India ram chung a luhnak le bomb a thlaknak hna cu a thuh awh.

Sihmanhseh law dawtnak taktak a ngei i thi le sa in pehtlaoh ak a ngei mi Mizo ram chung um kan miphun unau hna nih cun Chin miphun le kan ralkap dirpi in an au colh i an cozah(India/Modi cozah) cu sual an phot colh. Hihi u le nau, miphun khat sinak in a ra mi dawtnak, dawtnak taktak cu asi. China cu a ram chung thil cangmi longah a dikmi a chim, India cu aa pheh,

China cu a rammi cung ah harnak sam fa tia hmanh tlunding asiang lo nain India cu a rammi nakin ralhrang MAL a dawt deuh.

Mizo ram chung um ka  miphun unau Mizo hrinphun hna kan upat hna, nan tuahsernak cungah Pathian nih in umpi zungzal koh a seh.Crd-Peng HlawnCeu

Camp Pi Kahnak Pinlei.Na lung dongh in na ral maw chia lai cih Chin Arfi hna. Nihin a kan thah mi cu thaizing kan teinak caah asi. Ralhrang nih “thih lai keicheih”  in aa cheih i a ngeihmi umek in a kan den mi asi. Chin ram ah raldohnak Tank pawl hman awk a ţhatlo caah khi Van ral kahnak long a hman khawh. Nain sau a nguh lailo. Taktak ah hitin kan Camp an kah hi a cang telai ti cu kan ruahcia le chim cia asi ko.

Aruang cu Tt le Halkha le Falam tibantuk Chin ram khuapi hna an uk khawh tilo caah le an mah umnak fangfang hmanh an humzual khawh tilo caah kan thazang hrampi kha chah in kan nam tuk mihna kha dorhdeuh seh ti an timh vemi asi.

Hihi ral tuk ning cang le kal ning cang hmanmi asi ko. Cucahcun kan hmunpi an tuk cun an hrampi kan chah ve lai ti kha theih in ramchung ram leng um Chin mi zapi in thazang let tam pi chuah chinchin in kah kan hau.
Kan in tei hrimhrim lai MAH