Dam kan duh ahcun kan cungah palhnak a tuahmi kan ngaihthiam hna a hau ko.

Dam kan duh ahcun kan cungah palhnak a tuahmi kan ngaihthiam hna a hau ko. Pathian principle a si. (Matthai 6:14)

Na belte in atu lio ralhrang pawl caah cun Vancung in a rak tlami ngaithiamnak a hau. Minung ziathat khawhnak lawng in cun a har tuk, keimah caah cun ti bia.

Mah ruang ah Pathian bawmh ka hal, ka ngaihthiam khawh hna nak hnga. A ruang cu dam ka duh. Huatnak le thinhun lungfahnak phorh ka huam lo. A ka bawmh tak ko. Ka thilrit a ka lakpiak dih.

Ngaihthiam timi cu, nan tuahmi sualnak hi a okay ko ti nak a si lo, na tuahmi poah um ee ka ti lai ti nak a si lo, na duh poah in tuah ko ti nak a si lo. Sualnak cu kan kham ding, kan doh ding a si.

Sualnak kan doh tikah huatnak le tihnak nih an kan mongh lo tu a biapi.

Mah ka rak au ve lengmang nak, ka rak post lengmang nak a ruang cu a lungthin a zawmi nih Pathian sin in a rami damnak hmu ve hna seh ti ka siaherh tuk i a si.

Mah vial! Cherhchan mi cu YouVersion.Hmanthlak cu Timit, December 12, 2019 ah Deo nih a ka thlakmi si rua.Crd-Bor Sp

Khrih Ah Unau Hna Nawl Thiam Nunngeih A Herh! Efesa 6:5 Sal hna, nan Bawi le cu ther le phangbu tein an nawl ngai hna u; Bawi Khrih rian nan ttuan i Lungthin tak tein nan ttuan bantuk khan, an nawl nan ngaih hna zongah Cun Lungthin tak tein ngai hna u.

Baibal ca hi zumtu hna kan nunnak ah kan zumhnak kong cawnpiaktu tha bik a si. Baibal um hlah seh law Pathian kong hi kan thei kho hnga lo. Baibal um hlah seh law Khrih tlanhnak thawngttha zong hi kan thei kho hnga lo. Nan le kei hi a mui satan pennak chung ah kan um ko hnga.

Baibal cu a biapi taktak. Kan lam ah ceunak a si. Nunnak rilipi cung kan kal lio ah lamhmuh saktu compass bantuk a si. Compass cu rilipi cung ah a kalmi sangphawlawng nih nichuah nitlak chaklei thlang lei an theih khawhnak hnga a langhtertu thil a si. Baibal zong hi a Nunnak lam kan kal nak ah nunnak ttha le nunnak hrawk tu, Pathian duhmi le Pathian duh lo mi, tuah awk le tuah lo awk a kan chimhtu a si.

Tuzing ka relmi Paul chimmi kong ah hin buainak a rak chauk. Hlanlio minung an rak tthancho deuh rih lo lio ah cun sal zuat hi an rak hmang. Minung cheu khat hi saram bantuk in an zuat hna. An duh lo rian an tuan ter hna. A hloh khomi saram ah an rak ruah hna.

Mah bantuk in an rak tuahmi cu American President 16th a simi Abraham Lincoln nih a duh lo i sal luatnak a rak tuah. An ram chung ah April 12,1861 in May 26,1865 tiang ral an rak i do. Tuanbia ttha longai a si. Tuanbia i an chimning ah cun thlanglei ummi pawl nih salluatter an duh lo. An lorian taunt ah an duh peng hna. Baibal zong ah sal hna nih bawi le upat ding cawnpaiknak a um ko. Sal zuat hi Baibal ning a si ko ti ah an rak ruah.

Tuzing kan relmi ah hin Sal hna nih bawi le kha thir le phangbu te in an nawl ngaih ding. An rian zong kha anmah hmuh lawng ah si lo in ttha tein tuan ding, ti hna a um ko, ti zong hi Baibal chung ah chirchanh an rak ngei ve ko. Tuanbia nih cun palh ah a chiah diam. “Sal zuat cu mah zong sal cannak a si” ti ah Abraham Lincoln nih a ti.

Paul nih a chimmi a si ve taktak. Bawi Khrih rian nan ttuan i Lungthin tak tein nan ttuan bantuk khan, an nawl nan ngaih hna zongah Cun Lungthin tak tein ngai hna u. Sal a rak simi zong Bawi Khrih an zumh cang hnu ah cun Khrih sal an si. Bawi a simi zong Khrih an zumh hnu ah cun Bawi Khrih sal an si ve cang. Bawi Khrih ah unau an si. Mah ruahnak nih hin sal hna lungthin chung ah an bawile zei rellonak a chauhter khawhmi a si.Bil Hmung

Be the first to comment

Leave a Reply

Your email address will not be published.


*