Daihnak Daihnak (Peace) timi hi an i lo cio lo.

Daihnak Tuzing YouVersion i sermon tawite an tuahmi a mak tuk i ka rak share ta. A chimtu cu Ryan Leak a si. Daihnak (Peace) timi hi an i lo cio lo.

Lungdaihnak phun khat cu kan tonmi harnak, thilrit in kan luat tik, thil sining a tha lei in aa thlen tikah kan hmuhmi daihnak a si.

Adang phun khat, Bawipa Jesuh nih laksawng ah a kan chiah takmi cu thil sining aa thlen rih lo buin hmuhmi lungdaihnak a si. Thli chia ti let an i cheih cuahmah buin ngeihmi lungdaihnak a si.

““Daihnak kan chiahtak hna, keimah daihnak cu kan pek hna. Vawlei nih an pek hna bantukin kan pe hna lo. Lungrethei le vansang au in um hlah u: nan thin zong phang hlah u.”

‭‭JOHAN‬ ‭14:27‬ ‭HCL06‬‬ YouVersion Bible App hi nan hmang cio lai ti ka zumh ko. Nifatin Pathian he pehtlaihnak ah bawmtu tha tuk si.

Mirang holh aa ziak deuh lomi caah Laiholh in hman khawh nak ding lam ka rak kawl cuahmah ve lio.

Bible sianginn a kai balmi ka si lo nain holh leh rian ka tuan bal i lam um te ko hnga lo ma dik.

Hmanthlak hi cu Falam CCIT tlawn lio ngaihnak throwback!Crd-Bor Sp

Pathian Cu Nun Thlengtu A Si.E fesa 4:1-3 Cucaah Bawipa rian ttuan ruang i thing a tla mi Keimah nih, Pathian nih an auhnak hna he aa tlakmi nunning Khan nung u tiah kan forh hna.

Paul hi Bawipa rian a ttuan rung ah thing a tla lengmang. Lung cheh zong a tong. Fungtuk zong a huah. Tilawng rawh zong a ing. Harnak tampi a ttuar. Zumtu hmasa hna thatnak an innak le thisen tampi hi Khrihfabu fehnak caah Pathian nih a rak hman.

Paul nih thongtlaknak le huatnak a in cemnak hi Judahmi hna nih an sunhsakmi Abraham hrinsor sinak hmelchunh a simi cuarpartan kha, Khamhnak caah a herh lo ti hna a chimmi hi a si. Judahmi nih an phung hrawktu ah an ruah. Jentail mi nih luatnak lamsertu ah ruah a si ve ko lai. Khrihfa caah cawnpiak tu ttha le a chimmi hi zulhawk tlak a simi cu a si ve hrim ko.

Pathian auhnak hna he a tlakmi nunning a chimmi cu;1). Toidornak Lungthin ngei u. Paul nih Khrih toidornak Kong a chim tikah… Sal sinak tu kha ai lak… Mi toi ah a dor i nawlngaihnak lam
kha thih tiang in a zulh…a ti. Toidor nun a ngei mi hi cawi san an si.

2). Lung nem le lungsau in um Zungzal u. Jesuh nih thuro bantuk in nanlung va nem u, a ti. Lungnem hi Jesuh nih a kan cawnpiak mi a si. Misual nih an dehcawh lengmang zong ah a in ko hna. Lungsau hi teinak hmuhnak a si. Zumtu siruang ah Harnak zong lungnem le lungsau in kan in Awk a herh. Khamhnak hi lungdong loin zumh le thirphang in ttuan a herh ko lai.

3). Pakhat le Pakhat i bawmhnak in dawtnak langhter u. U le nau hi Harnak can ah ai bawmding in hrin tti kan si. Harnak kan ton can ah kan i dawtnak hi laughter ding a si. Khua cantthat lio hawikom, khua can chat tikah a zammi si cu Pathian duhmi a si lo. Dawtu taktak cu herh lio caan ah a kan zuan hnawhtu hi an si.

4). Daihnak hrin khan fek tein i tem u. Zumtu hmasa hna Kong lamkaltu cauk ah kan rel mi hi a hram thok ka te ah cun thlarau thawng in daihnak hrin nih a team hna. Lamkaltu hna chimmi thawngttha ngaih awk ah hmunkhat te ah an i pum. An thil hmanh an i hrawm hna. Daihnak hrin nih a them hna. Daihnak in an i hawi kom.

Hi thil hna hi Zumtu hna Pathian nih a kan auhnak nih a tinhmi hna an si. Zumtu nih zulhding sining chim tikah Nawlbia rumro ah puhding a si lo. Pathian nih Abraham a auh tik ah a umnak kaltak a si. Paul zong a sining ai thleng. Kei zong thlending ka si. Nangzong thlending na si. Pathian tinhmi a si.Bil Hmung