Cutluk khuachia fa le sual cu dah ngai…

Kahawipa fa le an rak si cu ee.
Haimual jeep titawn mi aasem nak khua, khua duhnung cu khuachia fa le nih inn 16 an khangh pin hna ah sualnak ngeibak lo mino te kahawi tha an fa le Puipuii kum 18 le a tta pa kum 15 hna cu,ralhrang nih fak taktak in a hrem hna hnu ah an thah beh hna. Zeitluk khin dik an hei tuar hnga ti uh!Laimi Dalan kan tam ngai cang.

Ramleng zong ah Dalan Chung kan tamngai cang hna caah CDF support tu poah ttanrual ngai kan hau cang. Mah le mah I el Len awk kan si hna lo. Kan ral kantei Hrim ahau cang.Crd-Shiang Kung

Zohchun Awk Le Ralrin Ding 1Korin 10:6 Hi hna vialte hi kan i zohchun awk caah an si, thil tthalo an rak duh bantuk in duh ve lo awk ah ralrin a kan petu le an lak i a cheu nih sialsal an rak biakbang in biak ve lo awk ah ralrin a kan petu ding an si.

Paul nih Moses le Israelmi hna kong kha tawi tein a langhter. Moses a zulmi hna nih cun Moses zultu siawk caah Minmei chung le rili chung ah khan tipil nak an ing. Tipil in cu zultu si langhternak a si. Pathian nih a hruai hna. An kalnak lam ah khan an dihlak in thlarau chang reu kha an ei. Thlarau lungpi chung in ti put kha an din. Thlarau nih a hruai hna, Pathian cu Thlarau a si. Thlarau hruaimi hna an sining kha tawi tein a chim tthanmi cu ‘Pathian kha an lawmh ter lo i these ram ah vui an si.’ Kanaan ram an phan kho lo.

Paul nih mahbantuk a cangmi kha zohchun awk caah le ralrin awk kan theih nak hna ding caah an si, a ti. Tuanbia cawnnak nih a tinhmi pakhat cu hlanlio thil cang mi hna kha theih i hmailei ah mah bantuk in a cantthan nak hngalo ralrin awk thei in nihin ah nun thiamnak ding caah cawnpiak a si. Tuanbia lih in an cawnpiakmi hna le zumhnak dirkamhtu ding ah mah duh mi tuanbia paoh cawnpiak mi hi dehlun kan si.

Israelmi hna Izipt ram in Kanaan ramah an kal. Lampi ah an tonmi tampi a um. Pathian nih thihawk tlak in a ruahmi siasal hna an biak hna. Siasal biak cu an nunnak liam tiang in an tuarnak a chauhpi tu a si. Korin cakuat ah hin Paul nih a chimmi cu siasal biak lo ding le siasal sin ah raithawinak pekmi sa ei lo ding le ei ding kong hna an si.

Zohchun awk ttha te ngeih hi lamding zulhnak hruaitu a si. Israelmi hna nih an tonmi thihnak le harnak cu siasal biak ruang ah a si caah i zoh chun in biak ti lo ding in ral rin ding a si. Mah bantuk in ral rin petu a si. Tuanbia chung ah, kan biaknak chung ah, kan nunnak chung ah, kan in chungkhar ah kan rak tonmi thil hna nih tthatnak maw a kan pek, harnak dah a kan pek ti kha zoh in ralring tein kan um khawh cu Khrihfa kan iang a si.
Crd-Bil Hmung

Be the first to comment

Leave a Reply

Your email address will not be published.


*