CNO chuahmi Statement

Falam khua chungah CNA nih ralhrang palik an kahnak hna kong ah CNO nih duhlonak statement an chuahmi nih hin MAH le a ralhrang run rual lawmhnak sangpi a pek hna lai hi teh mu. An mirh zuai ko lai. Kawl ca cun a va si chap bei rih.

I bawmh lulhmwlh ding tu khi kan si hna. Kanmah Chin ralkap chung lila cu van chim lo KIA le AA hmanh nih khin kan Chin ram chungah ralhrang cu rak kan kahpiak hna sehlaw kan i lawmh awk a si. Ram chung tlangcung mi dang van chim lo kan uar lo takmi tuluk le India cozah hmanh nih khin hong kan kahpiak hna sehlaw kan i lawmh ding a si. Cang-ai mah khur chung hran bang va hraan ve sawhsawh nak cun MAH hi tei khawh a si lai lo. Kan ruahnak kauhter deuh a hau.crd.Lian Hram

Vawlei He Aa Tlakmi Thlaici
Khua pakhat ah aa umka mi nule va an um an nu cu cataang sang a awng mi a si lo. An pa cu buaih ngah a si. An pa cu siang cachim rian a hmu i khua pakhat ah a ṭuan. Cachimh a thiam lotuk caah siangngak chia nih an duh lo zarhkhat hmanh a rau lo a chuak. Lungrawk taktak in Inn ah a rak phan I thil sining cu an nu a chimh, an nu nih ṭhate in a ngaih hnu ah na tha chia hlah riandang tampi a um ko lai tiah a hnemh.

Cu hnu ah mirum pakhat sinah rian a ṭuan. Mirumpa nih a rianṭuan a nuar tuk a ti a phuah. Annu nih a hnemh minung cu a nuarmi um phung, a rang mi um phung si ko rian dang a um ko lai a ti. Rian a kawl a hmuh lo le a tlam a tlin lo zongah a nupi nih thazaang a pek peng. Rian akawl a hnu bik ah holh a thiam lo mi hna caah cachim rian a hmuh I a hlawh a tling ngaingai. A hnu ah anmah tein holhthiam lo mi hna caah sianginn an tuah lawng silo in an herhmi thilri zuarnak dawr a tuah chih i duh sah tein an rum i hlawh atling ngaimi ah a cang.

An riantuannak kong TV tiang an thlah tawn. Mipa nih a nupi cu zeitin dah ka tlam a tlin lo i ka lung a dongh tuk lio ah narak ka zumh peng a ti. A nupi nih, “Vawlei hmunhma pakhat cu, facang a vui lo cun, pee a phunphun a ṭha kho, pee a ṭhat lo cun an hring so a ṭha kho, an hringso a ṭhat lo cun pangpar cin khawh a si. Vawlei he aa tlak mi thlaici pakhatkhat cu a um hrim ko lai,” a ti. Crd: Aung & Charity Foundation

Nupi ṭha cu hlawn nakin tampi in a sung deuh, cu bantuk mi hmuh bel cu a har hringhran! A va nih aa bochan i a va cu a si a fak bal lai lo. A nupi nih cun a nun chung vialte a va caah khan chiatnak si loin ṭhatnak kha a tuah(Phungt. 31: 10-12).Mah Azi

Be the first to comment

Leave a Reply

Your email address will not be published.


*