CNA/CNF secretary hlun Pu Paul C.Tha nih mual a kan laim tak e ti thawng ka theih cu

Hi FB hawikom dawt hna,
CNA/CNF secretary hlun Pu Paul C.Tha nih mual a kan laim tak e ti thawng ka theih cu ka thaa a vun cat ka thin le lung chikhat te an molh, riantuan lio pi si nain inn ka tin. Pu Paul cu ramrian ka tuanti hawikom tha zumh awk tlak thinlung pical pasal tha taktak asi. Ka Upa bantuk le amah zong nih a nau bantuk in a ka bochan i Inn chungkhar kong ah siseh ramrian kong ah siseh a lungthli bia tete a rak ka chimh tawn. June 19 2020  lio i a rak ka chawnhnak le kan hnu thla Sep 25, 2022 ah ca le holh in bia sau pi kan i ruah..Pasal ciam mam a lungput pical ning ….A Poi ko, A Poi tuk hringhran ko Pu Paul aw….Crd-Salai Tialbawiling

SAC Ralkap Helicopter Kan Kah Tiah Chin Defense Force – Kanpetlet Nih A Thanh

Nihin October 16, ah thazaang ding in a ra mi SAC ralkap helicopter 2 cu, cung a zuannak hmun ah hriamhme in kan kah hna tiah Chin Defense Force – Kanpetlet nih an thanh.

Cu kan kahdohnak ruang ah SAC ralkap helicopter 2 chung in pakhat cu a petrol umnak kan khen leng ah fan(pan-ka) pakhat a kiak, minung hliam an tuar le tuarlo kong ah fiang in theih a si rihlo tiah an langhter.

Kanpetlet peng Kyindwe(ကျင်ဒွေး) sakhan ah October 15 ah helicopter 2 in minung thazaang 30 leng a chap tiah theih a si.

A tu ah SAC ralkap hna nih Kanpetlet pengchung ah lam phunkip in minung thazaang chapnak an tuah i rallam sialnak zong an tuah chih khawhmi a si caah mizapi nih um/kal ah ralrinnak ngeihcio ding in Chin Defense Force – Kanpetlet nih cathanh an chuah tiah theih a si.