Chinland Club le CNF tangka vialte hi NgunCungLian nih a rak dawp dih rua anti hiteh,

 

Chinland Club le CNF tangka vialte hi NgunCungLian nih a rak dawp dih rua anti hiteh,
Vanlawng kahnak cu nei hna hmanh sehlaw khitluk sang i a zuangmi Jet khi vawlei in kah khawh silo ti a fiang lomi kan tamtuk

Helicopter hmanh khi a ngam taktak lawng ah va chaih in chaih khawh si hnga, tawkanuaini kan timi vate phun a hnachet nawnmi voikhat kan chaih kan nganh a zuang hlei loh kan chaih nolh len bang a donghnak ah kan khen le a tla, cucu ka mitthlam cuang.Crd.Stalin Cung

Chin Shi Huang ka rak si bal.A kum cu ka chim lai lo. A thla tiangin kai cinken ko. Mah lio ah cun kum thumnak ka rak si. Mandalay le Mogok kar vawleitang lungpherpi le a vawlei umtuning kan rak kherhlai.

Kyanikaan in kan ot i Sagaing kiangkap hrawng vialte zarh hnih chung kherhlai ding a si. Kyani-kan timi ah cun zan hnih kan rak riak.

Kyani-kan cu MDY in Mogok lei kalnak amah MDY kiangte i khuate pakhat a si. Hi khua ahhin thil khuaruahhar pakhat kan rak ton.

MDY khualai mirum pipi lak Tuluk mirum pa fanu cu nau a rak pawi. A pawimi fa cu minu a nu le pa nih an duh lomi pa ciithlah a si. Pasal loin a pawi tikah Lai cun lakfa kan ti ko lai.

Nu tlamtling nihcun an duhmi pa i fa hrinpiak ding cu an nunnak pek in conghhramh an duh. Minu nihcun a pawimi fa cu a ngeih lai taktak tiang a huhphenh khawh. Nain, cu minu cu a rak thi.

A ruak zong ropui ngai in an rak vui an ti. Tuluk mirum pawl thlan cu vawlei tang khin kua an vih i Lai lei inn nak ṭha an tampi. Mirum an si bang, minu ruak cu leitang a innkhan chungah cun an rak vuikhumh ve.

Tuluk pawl nih ruakvuinak an tuah hnu a thaizan lei hrawngah khin, Kyini-kan khuami Kawl lolam tlung cheukhat nih thlan chung in ngakchia ṭah thawng an theih. Cucu phungki pa an va chimh.

An phungki pa cu khuaruat kho ngai carel a si. Than Shwe tiang nihkhan a rak ton bal vemi anmah ca i mifim pakhat cu a rak si ve.

“A thlan va phuul uh. Law, ngakchia nan hmuh cun va char u,” a ti hna. A ruak an rak vuimi Tuluk nu nih a hrinmi bawhte an va char.

Khuaruahhar a si. A thi cangmi nu sin in ngakchia a chuah khawhmi cu medical lei cun a si kho lo, nan ti ko lai.

Cu nu te cu ai dawh tuk hringhran. Kyani-kan kan rak phanh lio ah cun pasal (Kawl pa) a rak ngeihka te khi si. Kanmah nak ngakchia ding a lo.

A dawr ah “ṭha-yi” an timi thanthling kung haang kan rak ding. A kong khi iphehnak le zahnak um lo tein ai rak ichim. A pi le pu a thei hna lo.

Cu zan ah cun kan lawi hna i Kyani-kan phungki lu bik pa umnak (kan iṭhumhnak compound) chungah biasawng a phunphun kan rak tlorh hna.

Kei le MDY mi Zaw Latt (nihin Kawlram lead guitarist min ngei) tehna kha phu khat kan rak si hna. Kan phu ah cun Shan an um, Kachin an itel.

MDY mi Shan le Kawl thicawh Mawshae kan timi pa cu hawikomh thiam mi holhtam le tluangtlam ngaimi a si. Nain, a fiim i a zer fawn. (Atu lam cu anih bel a thi cang)

Kawl ralkap propaganda hla “Mahaa” an timi kha Zaw Win Htut nih ai chuahka hrawng rak si kaw, mah le phun i an rak sunpar lio chan icua le ichim chan a rak si phah.

Cu Mawshae nihcun, “Kannih Shan cu kan chan lailing ah Kawl zong nih an rak kan tei lo. Kalay, Khampat tehna khi kan va lak khawh dih. Kalay timi le Khampat timi hoihna khi Kawl min zong si lo, Lai min zong si lo. Shan min an si,” a ti. A dik.

Keimah hnur duh ah a van perh deuh rua hlah maw ka timi cu, “Chin ṭawngṭan tiang khi kan rak kai i kan rak uk dih hna,” a ti ko e. Ka holh rih lo.

Shwe Bo pa a um. Kala thicawh si nain, “U Aung Zaya” kha kanmah Shwe Bo a si. A palinak Kawlrampi a ser khotu cu U Aung Zeya a si, a tongh ve.

Kachin pathum an um i pahnih an holh tuk lo. Pakhat bel nih, “Insein raktuknak lio ah khan kanmah Kachin ralbawi pa kha daite in rak um hlah sehlaw, Kawlram timi hi nihin i nan hmuhmi bantuk si lai lo,” a ti ve.

Min Chian le Yenan Chawng ti hrawnghrang nihkhin Kawl cu, cu chan ah, kha chan ah, Thai tehna zong kan va tuk khawh. Manipur hmanh kan va tei, tbk in an chim ve.

Ka awnh lo tik khan, Yananchaung pa nih a von ka ngiar ko. “Chin pawl Kawlram tuanbia ah zei an sinak ka hngal bal lo. Salai, zei tal nan rak si bal maw?” a ti ko e.

Nai chai lo. Ka van ithawh i, “Shi Huang-di nan hngal bal maw?” tiah ka hal hna. Kan hngalh ko an ti.A min taktak kha “Chin Shi Huang” a si. A miphun Chin tinak a si.

Anmah Tuluk le Mirang nih mah pa miphun min kha “Qin” ti in an ṭial lai nain a awchuah taktak cu “Chin” ti a si. Chin phun, Chin miphun tinak a si, ti in ka bia cu ka von thawk.

Historically zongin scientifically zong nih evidence ṭha tein a um i Chin miphun cu Chin Shi Huang cithlah kha kan si.

Tikah, nan ichim leenmi kan zoh hna ahhin ka nih nan chuak pah. Tuluk ram ngan taktak a rak ser khotu kha kanmah Chin miphun kan rak si, ka tongh ai.

A nih chuak hnik zong an rak um. A cheu nih ṭha tein an ngaih. Zaw Latt tepawl khi mifim an si, dai tein a ngai ve.

Chin miphun pa pawl cu a sam aa tommi kan rak si. Kan thih tik i kan thlan ahkhin kan sam tomnak kuhhruk he vui a rak si tawn.

Cuti kan rak ivui ningdan cu kan phun le kan sining idawi khawhnak dingah rak hmanmi a si.

Naite atu chan thar i Chin Dynasty siangpahrang thlan pawl an phul tik hna ah, an samtom i kuhhruk an rak ihruh ning le an kuhruk umtuning, a cuangmi, an zoh tikah, nihin kanmah Chin miphun he an ikhat ti kha fiang tein an hmuh khawh, tiah ka rak ti hna.

A zuum na, a zum lo tuk na. A chimtu bel nih izuum tak in teh ka rak phomh hna.

Mah hnu thawk khan MDY univ i ka rak kai hawi pawl nih cun “Shi Huang Di” silole “Chin Shi Huang” ti cun an rak ka kawh thai.Crd-Salai C Alexander

Be the first to comment

Leave a Reply

Your email address will not be published.


*