Chinalnd ralkap nih chiah mi bomb ralhrang lei nih an i pah,

August 19 Update Kan ralkap hna cu, Miakpi in Ralhrang lei nih heh tiah an kah hna nain Bawipa tha a fuh hna lo.

Chinalnd ralkap nih chiah mi bomb ralhrang lei nih an i pah, kan ralkap nih an va kah chap hna caah 5 an thi confirm mi.

Kan ralkap phu khat lei nih an hriam ngan in an kah hna caah Halkha lei ralhrang nih an hriamngan in kan ralkap an run kah len hna .

Kan ralkap Bawino pakhat aa hliam nain Bawipa a tha aa hliamfak lo, Bawipa thawng in Chinland ralkap an him dih..Crd-Salai William HC

Sunghluan kum hnih a tling!
Ni zan cu kum hnih tlinnak hman ka thla lai tiah ka tim len nain a mah hmanthlak duh lo dang khat, kan camera tuah to ka thiam lo dang khat. Pung 20 hrawng ka thlak nain a fiang mi pakhat hmanh a um lo . Ai puan bu in um ko ne seh tiah ka mak nain a hngilh tiang ka thin hung.

A hngilh hnu ah mah hmanthlak te hi ka thlak i ka lung ah a chuak mi cu a chuah ni dam te a phak ruang ah i lawmh i Pathian sin lawmhbia chim nak in a hmat-ta-yah caah hmanthlak tha mi a ngeih ding kha bia pi deuh ah ka rak chiah ti khi a si. Thawng tha an chim tawn mi thluachuah pe tu kan philh i a thluachuah tu ah kan i lawm i kan buai tawn ti mi kha ka lung ah chuak ngai te. Bawipa nih hin kan ton mi poah in nun a kan chimh tawn, a kan cawn piak tawn ti hi ka zumh.

Keimah ban tuk in fa le caah kan duh ning in thil a kal lo tik ah ai pung mi nu le pa nan um cio men lai. Tu hi hmathlak lawng a si rih. Tlawmpal ah cun sianginn kong a ra lai, hawi le kom kong a ra lai, nu ngak tlangval kong a ra lai. Kan nu le pa nih an rak kan buai pi mi thil cio le an rak kan duh piak cio mi pawl kha.

Nun can ziaza le Bawipa lei kar hlan nak tu ah hin cun duh fah a rak hau nain zei dang kan mah lung diriam nak sawh sawh caah hin cun kan fa le cung ah duhfah nak ngan tuk rak ngeih lo ding hi kei cu ka fian mi a si. Cu fa le zoh khenh ding ah rian a kan khinh tu le zohkhenh kho ding in thluachuah a kan pe tu Bawipa sin tu ah lawmhbia chim in kan nun ap zungzal ko hna usih!
Happy Birthday Sunghluan!
Crd-Esther Van Hnem Sung

Be the first to comment

Leave a Reply

Your email address will not be published.


*