Chin State ah mipi ralkap nih 90% tluk deng an control cang nain cozah an ser kho lo.

NUG hi ruah ning tluk in rian an tuan kho lo tuk timi cu chim hau loin theih dihmi asi ko. Coalition government hmanh thitha in an kalpi khawh lomi cu NLD nih kan ta asi tiphun in tutan dothlennak hi an kalpi pah caah asi.

Caretaker nih thla or kum cuzah ah cozah thar ka ser lai a ti i a ser khawh lo tikah failed state a si. Cutikah coalition government a rannak in ser phung a si, cucu zeicadah states kip zongah an ser khawh lo tiah cun NLD nih tutan dothlennak hi kanmah ta tiphun in an i haikhuanh ning a tamtuk deuh caah asi kho.

Chin State ah mipi ralkap nih 90% tluk deng an control cang nain cozah an ser kho lo. Cucu CNF nih a zohkhawh ti lo caah le a herh tuk mi asi caah parties kip he i bawm in Chin State cozah ser an timhmi hi cu a tlamtlin lai ka zumh. Chinmi hi kan lungfim ngai a hau NLD cu ka tangmi party asi ko nain a hrampi thatein research kan tuah tikah 100% cu rak i bochan ding asi hrimhrim lo. Chinmi kan identity taktak le kan nunphung hi kan I fian i kan humhal chin lengmang lo ahcun kan tlai tuk sual lai phแบงn awk a um ngai hi awh.

Hi ca ka tialmi hi dothlennak ah biatuah ka duh ruang asi lo, mitampi nih ramchung buai ka ahkhan kanmah nih phaisa kan kholh a herh lo NUG le CRPH nih pei an kan tuk ko lai cแปฉ an rak ka ti len, nan ruah ning asi lai lo ka rak ti hna i a si taktak ko tuhi. NLD asi ah, miphun dang asi ah, ralhrang cu do ti ko hna usih, asinain lungfim ngai le ralrin cu kan thiam ve a herh bak hi awh.Crd.Chelsea Bawi

Be the first to comment

Leave a Reply

Your email address will not be published.


*