Chin ramkulh sakremhnak zung in lamlei vuanthawk Pu Tha Peng le a thaisung cu ralhraang kuttang um huam ti lo in an zaam tiah Kawl ralhraang media nih an langhter.

Chin ramkulh, Sakremhnak Zung In Lam Lei Vuanthawk Pu Tha Peng Le A Thaisung Ralhraang Kuttang Um An Huam Ti Lo Caah An Zaam

Chin ramkulh sakremhnak zung in lamlei vuanthawk Pu Tha Peng le a thaisung cu ralhraang kuttang um huam ti lo in an zaam tiah Kawl ralhraang media nih an langhter.

31 Hniang zinglei suimilaam 2:30am hrawng i, Hakha ramkulh lam lei zung inn luhnak mei in a kaang i, Hakha pengkomh lam zung riantuan in AD- U Lin Aung, AD- U Ngian Hin Aung, AE-Wine Maung, le a dang riantuan minung 8 an dihlak ah minung 11 an tlau caah cu kong he pehtlai in Hakha palek nih tuanvo ngeitu tiah Pu Tha Peng cu taza an cuai caah vuanthawk Pu Tha Peng le a thaisung cu an zaam tiah theih a si.

Chin ramkulh, lamlei zung in riansangbik vuanthawk Pu Tha Peng a um ti lo caah, a pahnihnak ramkulh tuanvo ngeitu DSE U Kyaw Min Oo cu caan karlak ah CE in sakremhnak zung ah rian an pek.

An tlau caah an tlaihmi hna an si ko lai tiah ruahdamhmi sakremhnak zung in riansang tlai hna le riantuan minung 11 hlei ah Engineering EE U Ngian Hin Aung cu Lai ramkulh special phu caan karlak tuanvo ngei Hakha-Thantlang lamcung timit hlei remhnak caah a rak i thawh i tu bantukin a tlau maw si an tlaih dek a si.

Tulio ah a tlaumi minung 11 an luat khawhnak hnga Non CDM Laimi cu ralhraang nih hman a timh hna.The Independent Post

Ngakchia Nute Thlacam Ngakchiate pakhat cu anu nih pumhnak ah a kal pi. Thlacam caan a hun si i upa vialte cu an khup an i bil i thla an cam, a cheu an mitthli atlakmi ngakchia nute nih a hmun.

Ngakchianu cu a um kho tilo thudenh cungah a kai cun vanlei a hoih i, “ Bawipa, A B C D E F G H I J K L M N O P Q R S T U V W X Y Z,” a ti. A nu nih ngakchianu thlacam cu a theih tikah a lua pah. Cun pumh a dih tikah, “ Ka dawt zeicah ABC cu na chim,” tiah a hal. Ngakchianu nih, “ Mi vialte thla an cam dih i chim ding biafang ka hngal ve lo cucaah ABC ka chimh ahcun Bawipa nih a hngalh ko lai ka ti i a si,” a ti. Nihin ah Bawipa hmai ah kan thinlung dihlak in kan fuh tikah biachimawk kan hngalh lo hmanh ah Bawipa nih ahngalh ko.

Ka thlacamnak cu zihmui bangin ka cohlanpiak law ka kut ka hlermi cu zanlei raithawinak sa bangin ka cohlanpiak ko(Ps. 141:2).Mah Azi

Be the first to comment

Leave a Reply

Your email address will not be published.


*