Chin ramkulh, khualipi Hakha khua chungah Kahdohnak a chuak

Hakha B.H.E.S No. 3 Sianginn Ah Kahdohnak A Chuak, Pawngkam Inn Cheukhat Meithal Kuan Nih A Khen!

Chin ramkulh, khualipi Hakha khua chungah zahan zan November 13 ah kahdohnak a chuak, tiah Hakha ummi hna sinin theih a si.

Hakha ummi pakhat nih, “November 13 zan sml 11:25 hrawngah B.H.E.S No. 3 siangsangrun ah kahdohnak a chuak. Bomb thawng le meithal thawng zong pehtlai in a thang,” tiah The Chin Post ah a chim.

B.H.E.S No. 3 siangsangrun ah zahan zan sml 11:25 hrawng ah meithal thawng cu sml a cheu chung hrawng pehtlai in a thang. Bomb thawng zong voi hnih hrawng a thang. Sianginn pawngkam inn cheukhat zong meithal kuan nih a khen. Voidang ahcun sianginn pawngkam ah meithal thawng zong a than bal lo caah kan lau ngaingai, tiah tualchung mi pakhat nih a chim.

B.H.E.S No. 3 siangsangrun chungah SAC ralkap zei mawzat nih umhmun an khuar i, sianginn leng ah an chuak bal theng lo. Khua maw caan lawng ah an chuak pah, tiah theih a si.

Zahan zan meithal thawng pehtlai in a thangmi ruangah hliamhma pumi an um le um lo, theih a si rih lo.The Chin Post

Hringtu Nu Dawtnak Japan ram Li aa hninh tan ah bawmtu hna nih inn a rawk mi pakhat ah minu a thi cangmi an hmuh. Amah cu a khup abil caah an va naih. Inn a cim mi nih a lu a nenh mi kha an thial tikah ngakchia te thla 3 a si mi naupuan in fek tein a tuammi kha minu tang ah an hmuh i an nih cu a nung rih. Minu nih afapa te nunnak caah a nunnak a pek ti a lang.

Cun a nuapuan chung i Cell phone chungah ca pakhat aa tial. “Ka fa narak nundam ahcun, na nu nih kan dawt tuk,” tihi a si. Kanaan mi nu nih a kan hmuhsak mi hi, “Ka fa na dam i na nun ahcun, ningzah ruat lo in nunnak pek in dah kaw kan dawt,” ti hi a si ve. Nu dawtnak zeitluk in dah a thuh i a san ti cu fiang tein hi tuanbia nih a kan chimh cang. Kan Bawipa Jesuh nih a anunnak pek in nang le kei zong a kan tlanh. Ka fa kan dawttuk tiah Baibal ah rovuih bia tampi a kan chiah tak.

Pathian nih cun zeitluk in dah a kan dawt kha hitihin a langhter: kannih cu misual kan si ko rih lioah hin Khrih cu kan caah a thi(Rom 5:8).Mah Azi

Be the first to comment

Leave a Reply

Your email address will not be published.


*