Chin miphun (Laimi) hi Vancung Federal Democracy pek kan si cang nan kan duh lo i Hellram federal democracy tuk kan i tim cang rua ka ti ko.
Kawlram chungah Khrihfa state a simi cu Chin State lawng hi a si ko lai (official te cun a si lo nan), Khrihfa tamnak bik hei ti ko uh sih. Buddhist ram ah Pathian nih a tette ttha si ding a kan duhpiak deuh nan kan si kho ti lo ti khawh a si, kum 125 leng Khrihfa kan sinak a si cang nan.
Vawlei cung khuaza kip le ram zakip Federal democracy ram tampi ah a kan phakter lawng si loin federal democracy nun a kan teh ter fawn. Mah in cun Lairam sersiam ding thluachuah tampi a kan pek.
Mah cu le khrihfa state kan sinak hna hi Vancung Federal Democracy cu an si i pek kan si cang nan kanmah duhmi federal democracy tuk kan i tim rua ka ti. Hellram federal demoracy lam tuk kan zulh lengmang ko rua tiah ka ruah. Karhlei lamhtuk cu thukpi tlaknak a si. Vancung Federal Democracy, Pathian nih a kan pekmi tuk hi kilkhawi te thiam ko hna uh sih ka ti, mah pah cun Setan tthalo ralkap uknak zong tlawmpal tete in doh khawh pah a si ko.Crd.Van Tum
Thawngpangdang Relchap: Sagaing Ramṭhen SAC Headquarters Telh In Sakhan Hmun 15 Kahdohnak Ah SAC Ralkap 44 An Thi.Sagaing ramṭhen chung SAC headquarters telh in sakhan hmun 15 cu PDF phufonh nih an kahdoh hna, cu kahdohnak ah cun SAC ralkap 44 an thi tiah NUG cozah runvennak lei vuanci nih cathanh a chuah.
February ni 8 le ni 9 ah Kanbalu peng SAC ralkap an umnak sakhan hmun 3, Kawlin peng SAC ralkap umnak sakhan le Khin U peng SAC ralkap umnak sakhan hna telh in sakhan hmun 15 cu PDF phufonh nih an kahdoh hna tiah theih a si.
SAC ralkap an umnak sakhan hmun 15 kahdohnak ah SAC ralkap 44 an thi, 8 nih hliamhma an tuar. Tualchung hriamtlai phu lei in minung 2 an nunnak a liam i 13 nih hliamhma an tuar. Kaphnih kar i kahdohnak ah SAC ralkap an hriamthil zeimawzat an laak khawh tiah theih a si.Khit Thit Media
Leave a Reply