Chin miphun caah Philh awk a ttha lomi cakuat.

Chin miphun caah Philh awk a ttha lomi cakuat. Ralhrang ttih in kan miphun Mizoram lei kan zam lio ah, India rampi cozah nih Mizoram cu “ralzam cohlan lo ding in” nawl a hun pek. Cu lio ah, Mizoram CM Zoramthanga nih India rampi prime minister cu a tanglei bantuk hin ca a kuat:

“Mizoram ramri ah a ummi Chin miphun hna cu kanmah Mizo he laihri tlai, unau kan si. Mizoram independence kan hmuh hlan pi in aa pehtlai i aa bawmchan pengmi zong kan si caah, atu kan keehram i harnak an ton lio caan ahhin kan nih Mizoram nihcun hnu kan chit kho hna lai lo”.

A bia bantuk in nihin ah Chin miphun a kan hupphengtu le dawrnak hmunhma a kan petu cu, anmah Mizoram hi an si. Kan fanu le fapa hna sianginn kainak an ngeih ti lo caah, 2021 kum dongh lei ah Mizoram education minister nih “Chin ralzam fale vialte Mizoram sianginn kip nih sianginn kainak nawl pek dih ding” tiah nawl a cuah tthan.

Atu ahcun Mizoram sianginn kai ding ah a rak lutmi kan fanau hi nikhat ah minung 300 in 500 karlak peng an si, ti a si.Harnak caan ah dawtu hna bia philh awk a ttha lo…Crd-Hram Bik Lian