Chan thar kan vawlei ahhin raltuknak thilri that izuamnak ah awthawng nakin a rang deuhmi

Chan thar kan vawlei ahhin raltuknak thilri that izuamnak ah awthawng nakin a rang deuhmi le Radar nih tlaih khawh lomi hypersonic vanlawng le missile hna ser an izuam i, Russia nih awthawng (Sound) nakin a let 5 in a rang deuhmi missiles Zircon le Kinzhal, China nih Dongfeng-17 an ngeih hna i an ihnangampi ngai. Mah missile pakhat hi $100-million tluk man an si i, an duhnak hmun paohah rang taktak in voikhat lawng an hman khawh hna.

Atanglei hmanthlak hi USA nih an ser tharmi missile si loin bomb thlatu vanlawng (Bomber) asi. Awthawng nakin a let 10 in a rang deuh i voi tampi hman than khawh lengmang ding asi. A min ah Mayhem an ti i, a min hmanh hi tihnung ngai asi.Crd.Van Lian

Dinnak.Voikhat ah Greek khuapi Athen lam cungah tarpa pakhat chun lingcingah meiin a vanh i thiltlau a kawl. Uktu hna nih an hmuh tikah “Ka pu zeidah na kawl,”an ti. Tarpa nih, “Dinnak ka kawl,”a ti hna. Tarpa a chimmi bia ruangah thongah an thlak.

Caan saupi chung thong an thlak hnu ah dinnak kong ka chim ti lai lo tiah bia i kam tiah a phunphun in an lem. Nikhat cu nawlngeitu hna tarpa sinah an rak ra, “dinnak kong ka chim ti lai lo nati cun a tu hmakhatte ah kan in thlah lai, a si lo ah ka chim rih ko lai nati ahcun thihsi hi na din a hau lai,” an ti.

Tarpa nih thihsi hrai a rak i thim. Thihsi a din deuh hlan teah a thongtla hawi hna sinah dinnak kong a chimh tak hna cun thihsi cu a din. Cu tarpa cu Socrates a si. Nawlngeitu hna nih Socrates hi an tei taktak ko. Sihmanhsehlaw thiltha, a dik mi le manngeimi teinak taktak a hmutu cu Socrates a si. Nihin kan ram ah Socrates bantuk tampi kan herh lio caan a si.Crd: Orignal

Miphun a lianhngantertu cu dinnak a si, sualnak cu zei miphun paoh caah ningzahnak a si(Phungt. 14:34).Mah Azi

Be the first to comment

Leave a Reply

Your email address will not be published.


*