Chan Chan Nu hi Malaysia tein aa dawh ngai mi kan si i Bawinu Authawng ka rak zuar ka in USA tiangah Bawinu tiah ka min a ka auh mi a si

Chan Chan Nu hi Malaysia tein aa dawh ngai mi kan si i Bawinu Authawng ka rak zuar ka in USA tiangah Bawinu tiah ka min a ka auh mi a si. Malaysia in aa theih, daw cia mi kan si caah Restaurant an tuah hlan tein an inn ah Puri, Bureu,Chang tbk hi ka rak order cang i Inn tiang a ka pe tawn i mithmai panh tein Bawnu tiah a ka auh peng mi a si.

December thla ah khan kan chung tein an dawr ah rawl kan va ei i ka fanu aa nuam lo caah Nute zeidah na duh tiah ei din a phunphun in (free) tein a pek, na fanu Joanna Thlei hla Youtube qin rak onh tuah a ka ti i nuam ngai in an dawr suimilam pakhat chung kan thu tti hna. Mah kha a donghnak a rak si lai hi mu!

Chan Chan Nu a kan liam tak ti mi hi nihin tiang ka zumh kho rih lo.

Chan Chan Nu na chan a tawi tuk hringhran mu! Kan in siang hrim lo.Crd.Salai Pa Mang

SAC Nih Yangon Hmawbi Ah Bomb Hmanh Mi Drone 7 Kanfimtawl Tiah Thawng An Zam
January 16,2023 Yangon ramthen chung ah nihin zing Sml 10:30 hrawnv ah bombhmanh cia mi drone hna cu myonay thenkhat hna ah fimtawl a si pin ah Hmawbi ah drone -7 kan fimtawl chap tiah SAC lei nih thawng an zam.

Hmawbi peng Auh-wa-net- chaung khuate ah drone pakhat irawk in a tla i a pyah hnu ah bombhmanh mi drone -7 cu kankawl i kan hmuh tiah ralhrang nih an ngeihmi media pawl nih an phpzar cu a si.

Hi kong he pehtlai in “Mihgadawong singinn pawng Jophyu pep zamnak pawng ah hmuh a si.burbuk cung ah mizei nih dah an a ra chiahhna ti bel kan thei lo ,ngakchia lentecelh nak vanlawng bantuk an si, tutan ban tuk in tampi an fimtawl hi kan hmu bal lo a tak si sehlaw cu ralhrang pawl hi tubantuk in dai te in an um nemmam lai lo cuh” tiah mit in a hmu tu pakhat nih cun a chim.

Nihin zing ah Inya dilkam ah bomb thlaih mi drone pakhat a thlacia mi hmuh a si i SAC nih a hmun ah an puahkeh ter tiah tualchung mi pakhat nih a chim.

Cupin ah chaklei ukkalapah No(2) sang Ohpungseih zong ah drone pakhat kan hmuh tiah SAC nih sang chung um singniam siang inn pawng ah an puh ter caah siangngakchia Nu le Pa thenkhat hna nih an fale cu sianginn car lei in inn ah an tinpi hna tiah tualchung mi pakhat nih a chim.

Nihin zing Sml10:30 ah SAC ralhrang hna nih myonay hmunkip ah drone cu voi lekhat te ah an char cu a si i,Hmawbi peng chung ah cun drone -7 an fimtawl cu a si tiah tualchung mi nih an chim. Credit -MeKongNews Chin 24

Be the first to comment

Leave a Reply

Your email address will not be published.


*